ఆదిపురుష్ అదిరింది..
ప్రభాస్ అభిమానుల‌కు సర్ప్రైజ్
ఆదిపురుష్ అదిరింది!
ప్రభాస్ అభిమానుల‌కు సర్ప్రైజ్
ప్రభాస్ మ‌రో భారీ సినిమాతో అభిమానుల‌కు సర్ప్రైజ్ ఇచ్చారు. బాహబ‌లితో ప్ర‌పంచ గుర్తింపు తెచ్చ‌కున్న ప్రభాస్ బాలీవుడ్ ద‌ర్శ‌కుడు ఓం రౌత్ ద‌ర్శ‌క‌త్వంలో సినిమా చేస్తున్న‌ట్లు ప్ర‌క‌టించారు. దీనికి “ఆదిపురుష్” అనే టైటిల్ ఖ‌రారు చేశారు. ఈ విష‌యాన్ని మంగ‌ళ‌వారం అభిమానుల‌తో పంచుకుంటూ “చెడుపై మంచి విజ‌యం సాధించినందుకు సంబ‌రాలు” అంటూ సినిమా కాన్సెప్ట్ పోస్ట‌ర్‌ను విడుద‌ల చేశారు. దీంతో ప్యాన్ ఇండియా స్టార్ ప్రభాస్ బాలీవుడ్ ఎంట్రీ ఎప్పుడా? అని ఆసక్తిగా ఎదురుచూస్తున్న అభిమానుల ఆతృత‌కు తెర‌ప‌డింది. టీసిరీస్ సంస్థ ఈ చిత్రాన్ని నిర్మించ‌నుంది. హిందీ, తెలుగు భాష‌ల్లో తెరకెక్క‌నున్న ఈ చిత్రాన్ని క‌న్న‌డ, మ‌ల‌యాళ భాష‌ల్లో అనువాదం చేయ‌నున్నారు. ఈ చిత్రాన్ని త్రీడీలో రూపొదించ‌నుండ‌టం విశేషం. భారీ బ‌డ్జెట్‌తో రూపొందిస్తున్నపౌరాణిక చిత్ర‌మిది. రామాయ‌ణాన్నే ‘ఆదిపురుష్’ అని తెర‌కెక్కిస్తార‌ని వార్త‌లు వినిప‌స్తున్నాయి. ఈ విష‌యాన్ని పోస్ట‌ర్ ద్వారానే యూనిట్ అనౌన్స్ చేసింది. ఈ కాన్సెప్ట్ పోస్ట‌ర్‌లో రాముడు విల్లు ఎక్కుపెట్టిన‌ట్లు ఉండ‌గా, ప‌ది త‌ల‌ల రావ‌ణుడు, గ‌ద‌తో ముందుకొస్తున్న హనుమంతుడు ఇలా రామాయ‌ణాన్ని త‌ల‌పించేలా దీన్ని తీర్చి దిద్దారు.
సిినిమాలో ప్రభాస్ హీరో కాబట్టి రాముడిగా కనిపిస్తారు. మరి రావణాసురుడు, హనుమంతుడు, సీత పాత్రల్లో ఎవరు నటిస్తారనేది మరింత ఆసక్తిగా మారింది. అయితే ప్రకటనలో ఎక్క‌డా తాము రామాయ‌ణంను తెర‌కెక్కిస్తున్న‌ట్లు యూనిట్ స‌భ్యులు తెలియ‌జేయ‌లేదు.
ఈ క్ర‌మంలో ‘తానాజీ’ ద‌ర్శ‌కుడు ఔంరౌత్‌తో క‌లిసి ప్రభాస్ సినిమా చేయ‌నున్నార‌నేది తెలిసిన విష‌య‌మే. అయితే ఈ చిత్రం ఎలాంటి నేప‌థ్యంలో తెర‌కెక్క‌నుంద‌నే స‌స్పెన్స్‌కు తెర‌దించుతూ మంగ‌ళ‌వారం ఉద‌యం 7.11 నిమిషాల‌కు ఈ చిత్ర టైటిల్‌ను పోస్ట‌ర్‌తో స‌హా విడుద‌ల చేశారు. ప్రభాస్ 22వ సినిమాకు “ఆదిపురుష్” అనే పేరును ఖ‌రారు చేస్తున్న‌ట్లు హీరో ప్రభాస్, ద‌ర్శ‌కుడు ఓంరౌత్ ప్ర‌క‌టించారు. సుమారు రూ.500 కోట్ల బ‌డ్జెట్‌ కేటాయించిన ఈ సినిమా చిత్రీక‌ర‌ణ ఈ ఏడాదే ప్రారంభం అవుతుండ‌గా, వ‌చ్చే ఏడాది ప్రేక్ష‌కుల ముందుకు తీసుకు వ‌స్తామంటున్నారు.
