ఘోర రోడ్డు ప్రమాదం: నలుగురు స‌జీవ‌ద‌హనం

కడప: కడపజిల్లా వల్లూరు మండలం గోటూరు వద్ద సోమవారం ఉదయం ఘోర రోడ్డు ప్రమాదం సంభవించింది. టిప్పర్, టాటాసుమో, కారు ఒకదానికొకటి ఢీకొనడంతో ఈ ప్రమాదం జరిగింది. ఈ ప్ర‌మాదంలో చేలరేగిన మంటల్లో నలుగురు సజీవదహనమవ్వగా, ముగ్గురు తీవ్రంగా గాయపడ్డారు. క్షతగాత్రులను రిమ్స్‌కు తరలించారు. ఎర్రచందనం తరలిస్తున్న సుమోను టిప్పర్‌, కారు ఢీకొన్నాయి. స్మగ్లర్లు తమిళనాడుకు చెందినవారుగా పోలీసులు గుర్తించారు. నగర శివారుల వద్ద టిప్పర్ కంకరను అన్‌లోడు చేసి తిరిగి వస్తుండగా ప్రమాదం జరిగింది. విష‌యం తెలుసుకున్న అగ్నిమాప‌క సిబ్బంది హుటాహుటిన సంఘ‌ట‌నాస్థ‌లానికి చేరుకొని మంట‌లు అదుపు చేశారు. సమాచారం అందుకున్న సీఐ సంఘటన స్థలానికి చేరుకున్నారు. శ‌వాలు గుర్తుప‌ట్టలేని విధంగా త‌యార‌య్య‌యి.
ప్రమాద పరిస్థితి పోలీసులు సమీక్షిస్తున్నారు.