డ్రగ్స్ కేసులో రియా చక్రవర్తి అరెస్టు
ముంబయి : సంచలనం సృష్టించిన బాలీవుడ్‌ నటుడు సుశాంత్ సింగ్‌ రాజ్‌పుత్‌ మృతి కేసులో ప్రధాన ఆరోపణలు ఎదుర్కొంటున్న అతని ప్రేయసి రియా చక్రవర్తిని నార్కోటిక్‌ కంట్రోల్‌ బ్యూరో (ఎన్‌సిబి) అధికారులు మంగళవారం అరెస్టు చేశారు. డ్రగ్స్ కేసులో రియాను మూడు రోజుల నుండి ఎన్‌సిబి విచారిస్తున్న సంగతి తెలిసిందే. ఆమె సోదరుడు షోవిక్‌ చక్రవర్తిని కూడా ఎన్‌సిబి అధికారులు ఇప్పటికే అరెస్టు చేశారు. సుశాంత్ కోసం డ్రగ్స్ కొనుగోలు చేసినట్లు విచారణలో రియా అంగీకరించింది. అరెస్టు చేసిన త‌ర్వాత డ్రగ్స్ రిక‌వ‌రీ కోసం ఆమెను వివిధ ప్రాంతాల‌కు ఎన్‌సీబీ తీసుకువెళ్లే అవ‌కాశాలు ఉన్నాయి. ఇప్పటికే నార్కోటిక్స్ పోలీసులు ఈ కేసులో ప‌లువుర్ని అరెస్టు చేశారు. రియా సోదరుడు శౌవిక్‌తో పాటు సుశాంత్ ఇంటి మేనేజ‌ర్ సామ్యూల్ కూడా ఎన్‌సీబీ ఆధీనంలో ఉన్నారు. డ్రగ్స్ కేసులో గ‌త మూడు రోజుల నుంచి రియాను ఎన్‌సీబీ విచారించింది. జూన్ 14వ తేదీన సుశాంత్ త‌న ఇంట్లో అనుమానాస్ప‌ద రీతిలో మృతిచెందిన విష‌యం తెలిసిందే. అయితే తాను మాత్రం డ్రగ్స్ వాడలేదని, సుశాంత్ కోసమే కొనుగోలు చేశానని చెప్పుకొచ్చింది. ఇదిలా ఉండగా, మొత్తం 25 మంది బాలీవుడ్‌ సెలబ్రిటీల పేర్లను ఎన్‌సిబి విచారణలో బయటపెట్టినట్లు సమాచారం. అంతేకాకుండా సుశాంత్ చుట్టూ ఉండే స్నేహితులు మొత్తం డ్రగ్స్ బాబులే అంటూ చెప్పింది. డ్రగ్స్ కేసులో ఆ 25 మంది బాలీవుడ్‌ స్టార్లకూ నోటీసులు ఇచ్చేందుకు ఎన్‌సిబి రంగం సిద్ధం చేసింది. కాగా డ్రగ్స్ తీసుకున్న‌దేమో అన్న కోణంలో ఎన్‌సీబీ అధికారులు ఆమెకు డ్రగ్స్ ప‌రీక్ష‌లు చేయించ‌నున్నారు. మెడిక‌ల్ ప‌రీక్ష త‌ర్వాత రియాను క‌స్ట‌డీలోకి తీసుకుని మ‌రింత లోతుగా విచారించ‌నున్నారు. రియా సోదరుడు శౌవిక్ చ‌క్ర‌వ‌ర్తే త‌న సోద‌రికి డ్ర‌గ్స్‌తో లింకు ఉన్న‌ట్లు చెప్పాడు. ఎన్‌సీబీ సీజ్ చేసిన ఫోన్ల ఆధారంగా.. రియాకు డ్ర‌గ్ కార్ట‌ల్స్‌తో లింకులు ఉన్న‌ట్లు తేలింది. డ్రగ్స్ కేసులో ఏ1ను అదుపులోకి తీసుకున్న‌ట్లు ఎన్‌సీబీ అధికారులు చెబుతున్నారు. వైద్య‌ప‌రీక్ష‌ల కోసం ఆమెను సియాన్ హాస్పిట‌ల్‌కు తీసుకువెళ్ల‌నున్నారు.