తెలంగాణలో కొత్తగా 2,072 కరోనా కేసులు

హైదరాబాద్: తెలంగాణ రాష్ట్రంలో నిన్న రాత్రి 8 గంట‌ల వ‌ర‌కు 54308 క‌రోనా ప‌రీక్ష‌లు నిర్వ‌హించ‌గా  5072 పాజిటీవ్ కేసులు న‌మోద‌య్యాయి. దీంతో మొత్తం ఇప్ప‌టి వ‌ర‌కు న‌మోదైన కేసుల సంఖ్య 1,89,283కి చేరింది. ఈ మేర‌కు వైద్య ఆరోగ్య శాఖ మంగ‌ళ‌వారం ఉద‌యం బులిటెన్ విడుద‌ల చేసింది.  గడిచిన 24 గంటల్లో కొత్తగా 2072 కరోనా పాజిటివ్ కేసులు, 9 మరణాలు సంభవించాయి. అలాగే మొత్తం మృతుల సంఖ్య 1116గా నమోదు అయ్యింది. ప్రస్తుతం తెలంగాణలో 29,477 యాక్టివ్ కేసులుండగా.. చికిత్స పొంది 1,58,690 మంది డిశ్చార్జ్ అయ్యారు. అలాగే 23,934 మంది హోం ఐసోలేషన్లలో ఉన్నారు. జీహెచ్ఎంసీలో 283, కరీంనగర్ 109, మేడ్చల్ 160, నల్లగొండ 139, రంగారెడ్డి 161 కరోనా కేసులు నమోదు అయ్యాయి.  తెలంగాణ‌లో ఇప్ప‌టి వ‌ర‌కు నిర్వ‌హించిన క‌రోనా నిర్ధార‌ణ ప‌రీక్ష‌ల సంఖ్య 2940642కు చేరింది.