తెలంగాణలో కొత్త‌గా 517 కరోనా కేసులు
హైద‌రాబాద్‌: తెలంగాణ రాష్ట్రంలో నిన్న రాత్రి 8 గంట‌ల వ‌ర‌కు 33,098 న‌మూనాల‌ను ప‌రీక్షించ‌గా 517 మందికి కరోనా నిర్ధార‌ణ అయ్యింది. దీంతో మొత్తం ఇప్ప‌టి వ‌ర‌కు నమోదైన కేసుల సంఖ్య 2,73,858కి చేరింది. ఈ మేర‌కు వైద్య ఆరోగ్య‌శాఖ సోమ‌వారం ఉద‌యం బులిటెన్ విడుద‌ల చేసింది. తాజాగా క‌రోనాతో ఇద్ద‌రు మృతి చెందారు. దీంతో తెలంగాణలో నమోదైన మొత్తం కరోనా మరణాల సంఖ్య 1474కి చేరింది. నిన్న ఒక్కరోజు 862 మంది కోలుకొని డిశ్చార్జ్ అయ్యారు.దీంతో ఇప్ప‌టివ‌ర‌కు కోలుకున్న బాధితుల సంఖ్య 2,64,600కి చేరింది. రాష్ట్రంలో ప్ర‌స్తుతం 7,778 కేసులు యాక్టివ్ గా ఉన్నాయి. వారిలో5,803 మంది హోం ఐసోలేష‌న్లో చికిత్స పొందుతున్నార‌ని వైద్య ఆరోగ్య‌శాఖ తెలిపింది.జిహెచ్ ఎంసిలో తాజాగా 102 మందికి పాజిటివ్ నిర్ధార‌ణ అయ్యింది.