తెలంగాణలో కొత్త‌గా 592 కరోనా కేసులు
హైద‌రాబాద్‌: తెలంగాణ రాష్ట్రంలో నిన్న రాత్రి 8 గంటల వరకు 41,970 కరోనా నిర్ధార‌ణ ప‌రీక్ష‌లు నిర్వ‌హించ‌గా 592 పాజిటివ్ కేసులు న‌మోద‌య్యాయి. దీంతో తెలంగాణలో ఇప్పటి వరకు నమోదైన కరోనా కేసుల సంఖ్య 2,81,414కి చేరింది. ఈ మేర‌కు వైద్య ఆరోగ్య‌శాఖ ఆదివారం ఉయ‌దం బులిటెన్ విడుద‌ల చేసింది. ఇందులో 2,73,013 మంది కోలుకొని డిశ్చార్జ్ కాగా, 6,888 కేసులు ప్రస్తుతం యాక్టివ్ గా ఉన్నాయి. ఇక తెలంగాణలో కరోనాతో ముగ్గురు మృతి చెందినట్టు కరోనా బులెటిన్ లో పేర్కొన్నారు. దీంతో తెలంగాణలో ఇప్పటి వరకు మొత్తం 1513 మంది కరోనాతో మృతి చెందారు. తెలంగాణలో రాత్రి 8 గంటల వరకు 41,970 కరోనా టెస్టులు నిర్వహించారు. దీంతో మొత్తం ఇప్పటి వరకు 64,43,052 కరోనా టెస్టులు నిర్వహించినట్టు కరోనా బులెటిన్ లో పేర్కొన్నారు.