తెలంగాణలో 1,949 కరోనా కేసులు

హైదరాబాద్ : తెలంగాణలో కరోనా పాజిటివ్ కేసులు రోజురోజుకి పెరుగుతున్నాయి.
తెలంగాణలో గత 24 గంటలుగా 1,949 కరోనా పాజిటివ్ కేసులు నమోదయ్యాయని ఆరోగ్యశాఖ హెల్త్ బులెటిన్‌లో పేర్కొంది. దీంతో మొత్తం ఇప్ప‌టివ‌ర‌కు నమోదైన మొత్తం కేసుల సంఖ్య 1,99,276కి చేరింది. గత 24 గంటలుగా తెలంగాణలో 10 మరణాలు సంభవించాయి. కాగా రాష్ట్రంలో ఇప్పటివరకు 1,163 మంది కరోనాతో మృతి చెందారు. క‌రోనా బారి నుంచి నిన్న ఒక్క రోజే 2366 మంది కోలుకున్నారు. దీంతో ఇప్ప‌టి వ‌ర‌కు కోలుకున్న బాధితుల సంఖ్య 170212కి చేరింది. తెలంగాణలో ప్రస్తుతం 27,901 యాక్టివ్‌ కేసులు ఉన్నాయి. కొత్తగా జీహెచ్‌ఎంసీ పరిధిలో-291, రంగారెడ్డిలో- 156, మేడ్చల్‌‌లో- 150 పాజిటివ్ కేసులు నమోదయ్యాయని ఆరోగ్య శాఖ తెలిపింది.