తెలంగాణ‌లో కొత్త‌గా 643 క‌రోనా కేసులు

హైద‌రాబాద్‌: తెలంగాణ రాష్ట్రంలో నిన్న రాత్రి 8 గంట‌ల వ‌ర‌కు 53,396 మందికి క‌రోనా నిర్ధార‌ణ ప‌రీక్ష‌లె నిర్వ‌హించ‌గా 643 మందికి పాజిటివ్ కేసులు న‌మోద‌య్యాయి. దీంతో మొత్తం ఇప్ప‌టి వ‌ర‌కు న‌మోదైన కేసుల సంఖ్యం 2,75,904కి చేరింది. ఈమేర‌కు వైద్య ఆరోగ్య‌శాఖ గురువారం ఉద‌యం బులిటెన్ విడుద‌ల చేసింది. ఇదే సమయంలో 805 మంది రికవరీ అయ్యారు. కాగా తాజాగా కరోనాతో ఇద్దరు మృతిచెందారు. మృతుల సంఖ్య 1,482కి పెరిగింది.. 2,66,925 మంది రికవరీ అయ్యారు.. రాష్ట్రంలో ప్రస్తుతం 7,497 యాక్టివ్‌ కేసులు ఉన్నాయని, వారిలో 5,434 మంది హోం ఐసోలేషన్‌లో చికిత్స పొందుతున్నారని బులెటిన్‌లో పేర్కొంది సర్కార్.. ఇక, నిన్న రాత్రి 8గంటల వరకు 53,396 మందికి కరోనా నిర్థారణ పరీక్షలు నిర్వహించగా.. ఇప్పటి వరకు రాష్ట్రంలో నిర్వహించిన కరోనా నిర్థారణ పరీక్షల సంఖ్య 59,73,031కి చేరింది.