ప‌వ‌ర్ స్టార్ బ‌ర్త్‌డే: అభిమానుల‌కు ట్రీట్‌
ఈ రోజు (సెప్టెంబ‌రు -2) ప‌వ‌ర్ స్టార్ అభిమానుల‌కు, జ‌న సైనికుల‌కు పండుగ రోజు… ఈ సంద‌ర్భంగా అభిమానులు ఎంత‌గానో ఎదురు చూస్తున్న స‌ర్‌ప్రైజ్ వ‌చ్చేసింది. ప‌వ‌న్ క‌థానాయ‌కుడిగా వేణు శ్రీరామ్ ద‌ర్శ‌క‌త్వంలో తెర‌కెక్కుగున్న చిత్రం వ‌కీల్‌సాబ్‌. బుధ‌వారం ప‌వ‌ర్ స్టార్ పుట్టిన రోజు సంద‌ర్భంగా మోష‌న్ పోస్ట‌ర్‌ను విడుద‌ల చేశారు.
ప‌వ‌ర్ స్టార్ ప‌వ‌న్ క‌ల్యాణ్ నే‌డు బుధ‌వారం 49వ సంవ‌త్స‌రంలోకి అడుగు పెట్టారు. ‘అక్కడ అబ్బాయి ఇక్కడ అమ్మాయి’ సినిమాతో టాలీవుడ్‌లో హీరోగా రంగ‌ప్ర‌వేశం చేసిన ఆయ‌న ఎంద‌రో అభిమానుల‌కు దేవుడిగా మారే స్థాయికి ఎదిగిపోయారు. సుమారు రెండేళ్ల గ్యాప్ త‌ర్వాత “వ‌కీల్ సాబ్”తో తిరిగి సంద‌డి చేయ‌నున్నారు. కాగా శ్రీరామ్ వేను ద‌ర్శ‌క‌త్వంలో రూపుదిద్దుకుంటున్న ‘వ‌కీల్ సాబ్’ చిత్రాన్ని శ్రీ వెంక‌టేశ్వ‌ర బ్యాన‌ర్స్ క్రియేష‌న్స్‌పై దిల్‌ రాజు, బోనీ కపూర్‌ నిర్మిస్తున్నారు. త‌మ‌న్ సంగీత‌మందిస్తున్నారు.