‘భీష్మ’ డైరెక్ట‌ర్‌కు ల‌గ్జ‌రీ కారు గిఫ్ట్ ఇచ్చిన నితిన్
హైదరాబాద్‌ : హీరో నితిన్‌కు నాలుగేళ్ల తర్వాత మంచి బ్రేక్ ఇచ్చిన భీష్మ సినిమా డైరెక్ట‌ర్ వెంకీ కుడుముల‌కు నితిన్ మంచి గిఫ్ట్ ఇచ్చాడు. బుధవారం ద‌ర్శ‌కుడు వెంకీ పుట్టిన‌రోజు సంద‌ర్భంగా ఖరీదైన రేంజ్‌ రోవర్ కారును ఇచ్చి స‌ర్‌ప్రైజ్ చేశాడు. బుధవారం వెంకీ పుట్టిన రోజు కాగా, నితిన్ స్వయంగా ఆయన నివాసానికి వెళ్లి శుభాకాంక్షలు తెలిపారు. కాగా, ఈ ఏడాది ఫిబ్రవరిలో విడుదలైన భీష్మ సూపర్‌హిట్‌గా నిలిచిన సంగతి తెలిసిందే. నాలుగేళ్ల అనంతరం వెంకీ సహకారంతో మంచి హిట్‌ వచ్చిందని నితినే స్వయంగా అన్నారు. ఇక ఈ రేంజ్‌ రోవర్ కారు ధర సుమారు రూ. కోటికి పైగానే ఉంటుందని సమాచారం. ఖరీదైన కారును గిఫ్ట్‌గా ఇవ్వ‌డం ప‌ట్ల డైరెక్ట‌ర్ వెంకీ ఆనందం వ్య‌క్తం చేశాడు.