మార్చి 24 నుంచి ఇంటర్ పరీక్షలు
హైదరాబాద్‌: 2021 సంవత్సరంలో మార్చి ప‌రీక్ష‌ల తీదీలను ఇంటర్ బోర్డు ప్రకటించింది. వచ్చే ఏడాది మార్చి 24 నుంచి ఇంటర్ పరీక్షలు ప్రారంభం కానున్నాయి. 2020-2021 విద్యాసంవత్సరానికి సంబంధించిన క్యాలెండర్‌ను బోర్డు గురువారం ప్రకటించింది. మొత్తం 182 పనిదినాలను లెక్కించారు. కొవిడ్‌ నేపథ్యంలో 2020-21 విద్యా సంవత్సరంలో 228 నుంచి గరిష్ఠంగా 46 పనిదినాలు తగ్గించారు. దసరా సెలవులు అక్టోబర్‌ 23 నుంచి 25 వరకు మూడ్రోజులు ప్రకటించారు. సంక్రాంతి సెలవులు వచ్చే ఏడాది జనవరి 13, 14 తేదీలుగా ప్రకటించారు. ప్రభుత్వం ప్రకటించే సెలవు దినాలకు అనుగుణంగా క్యాలెండర్‌లో స్వల్ప మార్పులుంటాయని ఇంటర్‌బోర్డు పేర్కొన్నది. నోటిఫికేషన్‌ విడుదలైన తర్వాతే అన్ని జూనియర్‌ కాలేజీల్లో అడ్మిషన్లు చేపట్టాలని తెలిపింది.
ఇంటర్ బోర్డు విద్యా క్యాలెండర్‌ ఇలా..
- మొత్తం పనిదినాలు 182
- తరగతులు ప్రారంభ తేదీ సెప్టెంబర్‌ 1, 2020
- కాలేజీలకు చివరి పని రోజు ఏప్రిల్‌ 16, 2021
- ప్రీ ఫైనల్‌ పరీక్షలు ఫిబ్రవరి 22 నుంచి 27, 2021
- ఇంటర్ ప్రాక్టికల్‌ పరీక్షలు మార్చి 1 నుంచి 20, 2021
- ఇంటర్ థియరీ పరీక్షలు మార్చి 24 నుంచి ఏప్రిల్‌ 12, 2021
- వేసవి సెలవులు ఏప్రిల్‌ 17 నుంచి మే 31, 2021
- అడ్వాన్స్‌డ్‌ సప్లిమెంటరీ మే చివరి వారం, 2021
- నూతన విద్యా సంవత్సరం జూన్‌ 1, 2021