విమానంలో మంటలు.. వీడియో వైరల్
వాషింగ్టన్‌: టేకాఫ్‌ అయిన కొద్ది నిమిషాల్లోనే యునైటెడ్‌ ఎయిర్‌లైన్స్‌ విమానం ఇంజిన్‌లో భారీగా మంటలు చెల‌రేగాయి. ఇప్పుడు ఇంటర్నెట్లో ఈ వీడియో వైరల్ అవుతోంది. పైల‌ట్లు ప్ర‌మాదాన్ని గుర్తించి వెంట‌నే ల్యాండింగ్ చేయ‌డంతో భారీ ప్రమాదం త‌ప్పింది. శనివారం డెన్వర్‌ అంతర్జాతీయ విమానాశ్రయం నుంచి బోయింగ్‌ 777-200 విమానం 231 మంది ప్రయాణికులు, పది మంది సిబ్బందితో హోనొలులు బయలుదేరింది. టేకాఫ్‌ అయిన కొద్దిసేపటికే ఇంజిన్‌లో మంటలు చెల‌రేగిన‌ట్లు ఫెడరల్‌ ఏవియేషన్ అధికారులు ఆదివారం తెలిపారు. కాగా ఈ ప్ర‌మాదంలో ఎవరికీ ఎలాంటి ప్రమాదం జరుగలేదని చెప్పింది.
అయితే, విమాన శకలాలు ఓ ఇంటి బయట చెల్లాచెదురుగా పడ్డాయి. ఈ చిత్రాలను కొలరాడోలోని బ్రూమ్‌ఫీల్డ్‌ పోలీసులు ట్విట్టర్‌లో పోస్ట్‌ చేశారు. అలాగే విమానం ఇంజిన్‌లో చెలరేగిన మంటలకు సంబంధించిన వీడియో సైతం సోషల్‌ మీడియాలో కనిపించింది.
ఇప్పుడు ఈ వీడియో, ఫోటోలు ఇంటర్నెట్లో హ‌ల్‌చ‌ల్ చేస్తున్నాయి.
Engine failure on Boeing 777 United aircraft. Plane took off from Denver and returned safely in 20 minutes. Engine parts fell soon after take off. Pilots flew the aircraft back safely. Look at the engine, it’s hardly in shape. pic.twitter.com/gByQ9Sj85q
— Nagarjun Dwarakanath (@nagarjund) February 21, 2021