ట్రాక్టర్, జీపు ఢీకొన్నఘ‌ట‌న‌లో ఒకే కుటుంబానికి చెందిన 10 మంది దుర్మ‌ర‌ణం!
జైపూర్ (CLiC2NEWS): రాజ‌స్థాన్‌లోని ఝున్‌ఝును జిల్లాలో ఓ ట్రాక్టర్ ట్రాలీని జీపు ఢీకొని ఘోర ప్ర‌మాదం జ‌రిగింది. ఈ ప్ర‌మాదంలో ఒకే కుటుంబానికి చెందిన ప‌దిమంది మృతి చెందిన‌ట్టు స‌మాచారం. ఎనిమిది మందికి గాయాల‌య్యాయి. రోడ్డుపక్క‌న పార్క్ చేసిన ట్రాక్టర్ ట్రాలీని జీపు ఢీకొట్ట‌డంతో జీపులో ప్ర‌యాణిస్తున్న ఒకే కుటుంబానికి చెందిన 10 మంది మర‌ణించిన‌ట్లు జిల్లా ఎస్పి వెల్ల‌డించారు. దేవాల‌యంలో పూజ‌లు నిర్వ‌హించి తిరిగి వ‌స్తుండ‌గా ఈ దుర్ఘ‌ట‌న జ‌రిగిన‌ట్లు తెలిపారు. ఈ ఘ‌ట‌న‌పై రాజ‌స్థాన్ ముఖ్య‌మంత్రి అశ్‌క్ గ‌హ్లోత్ తీవ్ర దిగ్భ్రాంతి వ్య‌క్తం చేశారు. మృతుల కుటుంబ స‌భ్యుల‌కు త‌న ప్ర‌గాఢ సానుభూతి తెలిపారు. క్ష‌త‌గాత్రులు త్వ‌ర‌గా కోలుకోవాల‌ని ఆకాంక్షిస్తూ ట్వీట్ చేశారు. .