హైద‌రాబాద్ న‌డిబొడ్డున 125 అడుగుల అంబేద్క‌ర్ విగ్ర‌హం..

హైదార‌బాద్ (CLiC2NEWS): భార‌త రాజ్యాంగ నిర్మాత డాక్ట‌ర్ బిఆర్ అంబేద్క‌ర్‌కు రాష్ట్ర ఐటి, పుర‌పాల‌క శాఖ‌మంత్రి కెటిఆర్ ఘ‌న‌నివాళుల‌ర్పించారు. రాజ‌న్న సిరిసిల్ల కేంద్రంలో నిర్వ‌హించిన అంబేద్క‌ర్ జ‌యంతి ఉత్స‌వాల్లో మంత్రి పాల్గొన్నారు. ఈసంద‌ర్భంగా మంత్రి మాట్లాడుతూ.. హైద‌రాబాద్ న‌డిబొడ్డున 125 అడుగుల ఎత్తు గ‌ల‌ అంబేద్క‌ర్ విగ్ర‌హాన్ని డిసెంబ‌ర్ చివ‌రి నాటికి ప్ర‌తిష్టించ‌బోతున్నామ‌ని తెలిపారు ప్ర‌పంచ వ్యాప్తంగా ఉన్న అంబేద్క‌ర్ వాదులంద‌రూ హైద‌రాబాద్ వైపే చూసే రోజు త్వ‌ర‌లోనే రాబోతుంద‌న్నారు. అంబేద్క‌ర్ క‌ల‌లుగ‌న్న స‌మాజం తెలంగాణ‌లో ఆవిష్కృతమ‌వుతుంద‌ని అన్నారు. ద‌ళిత పారిశ్రామిక వేత్త‌ల‌కు అండ‌గా నిల‌బ‌డేందుకు టి ప్రైడ్ ప్ర‌వేశ‌పెట్టామ‌ని, ఈ ప‌థ‌కం కింద రూ. 200 కోట్ల రాయితీల‌ను 3 వేల మంది ద‌ళిత పారిశ్రామికవేత్త‌ల‌కు అందించామ‌ని తెలిపారు.