స్కిల్ యూనివ‌ర్సిటి ఛైర్మ‌న్‌గా ఆనంద్ మ‌హీంద్రా..

హైద‌రాబాద్ (CLiC2NEWS): రంగారెడ్డి జిల్లా ముచ్చ‌ర్ల‌లోని బేగ‌రికంచెలో స్కిల్ యూనివ‌ర్సిటి నిర్మాణానికి ముఖ్య‌మంత్రి రేవంత్ రెడ్డి శంకుస్థాప‌న చేసిన విష‌యం తెలిసిందే. అయితే ఈ యూనివ‌ర్సిటీ ఛైర్మ‌న్‌గా ప్ర‌ముఖ పారిశ్రామిక వేత్త ఆనంద్ మ‌హీంద్రా వ్య‌వ‌హ‌రిస్తార‌ని సిఎం తెలిపారు. ప్ర‌స్తుతం అమెరికా ప‌ర్య‌ట‌న‌లో ఉన్న సిఎం న్యూజుర్సీలో ఏర్పాటు చేసిన ఓ కార్య‌క్ర‌మంలో ఆయ‌న మాట్లాడుతూ..  17 ర‌కాల కోర్సుల్లో   శిక్ష‌ణ ఇచ్చి ప్రైవేటు సంస్థ‌ల్లో ఉపాధి అవ‌కాశ‌లు క‌ల్పించేందుకు  ఈ యూనివ‌ర్సిటి నిర్మాణం జ‌రుగుతుందని తెలిపారు. ఏటా ల‌క్ష‌ల మందికి శిక్ష‌ణ ఇచ్చేలా రాబోయే కాలంలో ఈ వ‌ర్సిటీని విస్త‌రిస్తామ‌న్నారు. స్కిల్ వ‌ర్సిటి ఛైర్మ‌న్‌గా ఆనంద్ మ‌హేంద్ర రెండు మూడు రోజుల్లో బాధ్య‌త‌లు చేప‌ట్టే అవ‌కాశం ఉన్న‌ట్లు తెలిపారు.