అరుణాచ‌ల ప్ర‌దేశ్‌లో కూలిన ఆర్మీ హెలికాప్టర్.. ఇద్ద‌రు గ‌ల్లంతు!
ఇటాన‌గ‌ర్ (CLiC2NEWS): అరుణాచ‌ల ప్ర‌దేశ్‌లోని మండ‌లా ప‌ర్వ‌త ప్రాంతంలో ఓ ఆర్మీ హెలికాప్టర్ కుప్ప‌కూలింది. భార‌త సైన్యానికి చెందిన హెలికాప్టర్ విధుల్లో భాగంగా సెంగే గ్రామం నుండి మిసామారికి వెళ్తుండ‌గా ఈ ప్ర‌మాదం జ‌రిగిన‌ట్లు స‌మాచారం. ప్ర‌మాదం జ‌రిగిన స‌మ‌యంలో హెలికాప్ట‌ర్‌లో ఇద్ద‌రు పైల‌ట్లు ఉన్నారు. వీరి ఆచూకీ కోసం గాలిస్తున్న‌ట్లు అధికారులు వెల్ల‌డించారు. హెలికాప్టర్ కూలిన ప్రాంత‌మంతా పొగ‌మంచుతో కూడి ఉండ‌టం వ‌ల‌న స‌హాక చ‌ర్య‌లు చేప‌ట్టినా.. 5 మీట‌ర్ల ప‌రిధి వ‌ర‌కే క‌నిపిస్తోంద‌ని పోలీసులు పేర్కొన్నారు.