బంగ్లాదేశ్‌లో ఘోర ప‌డ‌వ ప్ర‌మాదం: 24 మంది మృతి
ఢాకా (CLiC2NEWS): బంగ్లాదేశ్‌లో క‌రాటోవ న‌దిలో ప‌డ‌వ ప్ర‌మాదానికి గురైంది. ఈ ప్ర‌మాదంలో 24 మంది మృత్యువాత ప‌డ్డారు. మ‌రో 30 మంది గ‌ల్లంత‌య్యారు. పంచ‌గ‌ఢ్ జిల్లాలోని క‌రాటోవ న‌దిలో యాత్రికుల‌తో వెళ్తున్న ప‌డ‌వ బోల్తాప‌డింది. కొంత‌మంది యాత్రికులు ఈదుకుంటూ ఒడ్డుకు చేరుకున్నారు. చిన్నారులు, మ‌హిళ‌లు న‌దిలో మునిగిపోయారు. ఘ‌ట‌నా స్థ‌లంలో స‌హాయ‌క చ‌ర్య‌లు చేప‌ట్టారు. ఈ ప్ర‌మాదంలో 24 మంది మృతి చెందిన‌ట్లు అధికారులు వెల్ల‌డించారు. మిగిలిన వారి కోసం గాలింపు చ‌ర్య‌లు ముమ్మ‌రం చేశారు. ప‌డ‌వ‌లో ప‌రిమితికి మించి ప్ర‌యాణికులు ఉండ‌టం వ‌ల‌నే ఈ ప్ర‌మాదం సంభ‌వించిన‌ట్లు అధికారులు అభిప్రాయ‌ప‌డుతున్నారు.