బోర్డర్ గ‌వాస్క‌ర్ ట్రోఫీ: మూడో టెస్ట్ మ్యాచ్ ఆసిస్ కైవ‌సం..
ఇండోర్ (CLiC2NEWS): భారత్, ఆస్ట్రేలియా జ‌ట్ల మ‌ధ్య మూడో టెస్ట్ మ్యాచ్ ముగిసేస‌రికి భారత్ 2-1 ఆధిక్యంలో ఉంది. తొలి రెండు మ్యాచ్‌ల‌లో ప‌రాజ‌యం పాల‌యిన ఆసీస్ మూడో మ్యాచ్‌లో విజ‌యాన్నందుకుంది. ఇండోర్ వేదిక‌గా జ‌రిగిన మూడో టెస్ట్ మ్యాచ్‌లో భారత్ తొలి ఇన్నింగ్స్‌లో కేవ‌లం 109 ప‌రుగుల‌కే ఆలౌట‌యింది. ఆస్ట్రేలియా తొలి ఇన్నింగ్స్ లో 197 ప‌రుగులు చేసింది. ఇక భారత్ సెకండ్ ఇన్నింగ్స్‌లో 163 ప‌రుగులు మాత్ర‌మే చేసింది. 77 ప‌రుగుల ల‌క్ష్యంతో బ‌రిలోకి దిగిన ఆసీస్ జ‌ట్టు సునాయాసంగా విజ‌యం సొంతం చేసుకుంది. కేవ‌లం ఒక్క వికెట్ మాత్ర‌మే న‌ష్ట‌పోయి మూడో టెస్ట్ మ్యాచ్‌లో విజ‌యం సాధించింది.