రామోజిరావు పార్ధివ‌దేహానికి ప్ర‌ముఖుల నివాళి..
హైద‌రాబాద్ (CLiC2NEWS): రామోజి గ్రూప్ సంస్థ‌ల ఛైర్మ‌న్ రామోజీరావు శ‌నివారం ఉద‌యం తుది శ్వాస విడిచారు. ఆయ‌న భౌతిక‌కాయానికి సినీ రాజ‌కీయ ప్ర‌ముఖులు నివాళులు అర్పించారు. టిడిపి అధినేత చంద్ర‌బాబు నాయుడు ఢిల్లీ నుండి నేరు ఫిల్మ్‌సిటికి చేరుకుని రామోజి భౌతిక‌కాయం వ‌ద్ద అంజ‌లి ఘ‌టించారు. కేంద్ర ప్ర‌భుత్వం త‌ర‌పున కేంద్ర ఆర్ధిక మంత్రి నిర్మ‌లా సీతారామ‌న్ రామోజి పార్ధివ‌దేహానికి నివాళులు అర్పించారు. చిరంజీవి, ప‌వ‌న్‌క‌ల్యాణ్, రాష్ట్ర డిప్యూటి సిఎం భ‌ట్టి విక్ర‌మార్క , నారా లోకేశ్, కెటిఆర్‌, స‌బిత ఇంద్రారెడ్డి, రాజ‌మౌళి, కీర‌వాణి త‌దిత‌రులు రామోజి పార్ధివ‌దేహానికి నివాళుల‌ర్పించారు.
ఇటీవ‌ల అనారోగ్యానికి గురైన రామోజీరావుకు న‌గ‌రంలోని ఆస్ప‌త్రిలో చికిత్స‌నందించారు. మూడు రోజుల క్రితం ఆయ‌న‌కు శ‌స్త్ర చికిత్స చేసి స్టంట్స్ వేశారు. శుక్ర‌వారం మ‌ధ్యాహ్నం నుండి తీవ్ర అస్వ‌స్థ‌కు గుర‌య్యారు. వైద్యుల ప‌ర్య‌వేక్ష‌ణ‌లో చికిత్స పొందుతూ శ‌నివారం ఉద‌యం తుది శ్వాస విడిచారు.