చిరంజీవిని ఫోన్‌లో ప‌రామ‌ర్శించిన సిఎం కెసిఆర్
హైద‌రాబాద్ (CLiC2NEWS): క‌రోనా బారిన‌ప‌డిన మెగ‌స్టార్ చిరంజీవిని తెలంగాణ ముఖ్య‌మంత్రి కెసిఆర్ ప‌రామ‌ర్శించారు. ఇవాళ చిరంజీవికి ఫోన్ చేసిన సిఎం కెసిఆర్ ఆయ‌న ఆరోగ్య‌విష‌యాలు తెలుసుకున్నారు. క‌రోనా నుంచి త్వ‌ర‌గా కోలుకోవాల‌ని ఆకాంక్షించారు.
త‌న‌కు క‌రోనా నిర్ధార‌ణ అయిన‌ట్లు బుధ‌వారం ఉద‌యం చిరంజీవి ట్విట్ట‌ర్ లో పోస్టు చేసిన విష‌యం తెలిసిందే.
“ అన్ని ర‌కాల జాగ్ర‌త్త‌లు తీసుకున్న‌ప్ప‌టికీ కొవిడ్ పాజిటివ్ నిర్ధార‌ణ అయింది. ప్ర‌స్తుతం హోం క్వారంటైన్‌లో ఉన్నాను. ఈ మ‌ధ్య న‌న్ను క‌లిసి వారంతా ప‌రీక్ష‌లు చేయించుకోవాల్సిందిగా కోరుతున్నా. త్వ‌ర‌లోనే మీ ముందుకు సంపూర్ణ ఆరోగ్యంతో తిరిగివ‌స్తా.“ అని చిరంజీవి ట్విట్ట‌ర్ వేదిక‌గా పోస్టు చేశారు.