ప్రజలకు చేరువ‌లో న్యాయ‌స్థానాలు.. సిజెఐ
ఢిల్లీ (CLiC2NEWS): భార‌త ప్ర‌ధాన న్యాయ‌మూర్తి జ‌స్టిస్ డి వై చంద్ర‌చూడ్ రాజ్యాంగ దినోత్స‌వాన్ని పుర‌స్క‌రించుకొని సుప్రీంకోర్టులో జ‌రిగిన కార్య‌క్ర‌మంలో శ‌నివారం ప్ర‌సంగించారు. ప్రజలకు చేరువ‌లో న్యాయ‌స్థానాలు ఉండాల‌ని, దేశంలోని ప్ర‌తి ఒక్క‌రికీ న్యాయ‌వ్య‌వ‌స్థ‌లు అందుబాటులో ఉండాల‌న్నారు. ప్రజలకు న్యాయం అందుబాటులోకి తీసుకురావ‌డానికి మ‌న న్యాయ‌వ‌వ‌స్థ చ‌ర్య‌లు చేప‌డుతుంద‌ని సిజెఐ తెలిపారు. దేశంలో సుప్రీంకోర్టు ఢిల్లీలో ఉన్న‌ప్ప‌టికీ.. అది దేశ ప్ర‌జ‌లంద‌రిదీ అని అన్నారు. స‌ర్వోన్న‌త న్యాయ‌స్థానంలో వ‌ర్చువ‌ల్ ప‌ద్ద‌తిని తీసుకొచ్చామ‌ని.. దేశంలో ఎక్క‌డినుండైనా లాయ‌ర్లు త‌మ కేసుల‌ను వాదించే వెసులుబాటు క‌ల్పిస్తున్నామ‌ని ఆయ‌న తెలిపారు.
ఈ కార్య‌క్ర‌మంలో పాల్గొన్న ప్ర‌ధాని మోడీ ఈ-కోర్టు ప్రాజెక్టు కింద ప‌లు కార్య‌క్ర‌మాల‌ను ప్రారంభించారు. వ‌ర్చువ‌ల్ జ‌స్టిస్ బుక్‌, JustIS మొబైల్ యాప్ 2.0, డిజిట‌ల్ కోర్టు, s3WaaS వెబ్‌సైట్ల‌ను ఆవిష్క‌రించారు. ఈ సంద‌ర్భంగా మాట్లాడుతూ.. దేశాన్ని ఉన్న శిఖ‌రాలకు తీసుకెళ్లాలంటే ప్రాథ‌మిక విధులే ప్రాధాన్యం అన్నారు. దేశ ఆర్ధిక వ్య‌వ‌స్థ‌ను చూసి.. ప్ర‌పంచ దేశాల‌న్నీ భార‌త్‌వైపు సాయంకోసం చూస్తోంద‌న్నారు. అనంత‌రం 2008లో రాజ్యాంగ దినోత్స‌వం జ‌రుపుకుంటున్న సంద‌ర్భంలో ముంబ‌యిలో ముష్క‌రుల దాడికి ప్రాణాలు కోల్పోయిన వారికి నివాళుల‌ర్పించారు. ఆ చేదు జ్ఞాప‌కాల‌ను మ‌ర్చిపోలేమ‌న్నారు.
Cool. I spent a long time looking for relevant content and found that your article gave me new ideas, which is very helpful for my research. I think my thesis can be completed more smoothly. Thank you.