ఢిల్లీలో భారీ అగ్నిప్ర‌మాదం.. 90 వాహ‌నాలు ద‌గ్ధం
ఢిల్లీ (CLiC2NEWS): దేశ రాజ‌ధాని ఢిల్లీలో భారీ అగ్ని ప్ర‌మాదం సంభ‌వించింది. న‌గ‌రంలోని జామియాన‌గ‌ర్ మెట్రో స్టేష‌న్ పార్కింగ్ ప్రాంతంలో జ‌రిగిన ఈ ప్ర‌మాదంలో సుమారు 90 వాహ‌నాలు అగ్నికి ఆహుత‌య్యాయి. స‌మాచారం అందుకున్న అగ్నిమాప‌క సిబ్బంది సంఘ‌ట‌నా స్థ‌లానికి చేరుకొని 11 ఫైరింజ‌న్ల సాయంతో మంట‌ల‌ను అదుపులోకి తెచ్చారు. ప్ర‌మాదంలో ఎలాంటి ప్రాణ న‌ష్టం జ‌ర‌గ‌లేద‌ని అధికారులు వెల్ల‌డించారు. ఈ భారీ ప్ర‌మాదంలో మెట్రో స్టేష‌న్ పార్కింగ్‌లో ఉన్నే 10 కార్లు, ఓ బైక్, రెండు స్కూట‌ర్లు, 30 కొత్త ఈ రిక్షాలు, 50 పాత ఈ-రిక్షాల‌తో స‌హా ప‌లు వాహ‌నాలు మంటల్లో ద‌గ్ధ‌మైన‌ట్లు స‌మాచారం. మంట‌లు వ్యాపించ‌డానికి కార‌ణాలు తెలియ‌లేదు.