గుడిసెలో చెల‌రేగిన మంట‌లు.. ఏడుగురు స‌జీవ‌ద‌హ‌నం
చండీగ‌ఢ్ (CLiC2NEWS): పంజాబ్‌లోని లుథియానాలోని తాజ్‌రోడ్ స‌మీపంలోని ఓగుడిసెలో మంట‌లు వ్యాపించి ఘోర అగ్ని ప్ర‌మాదం జ‌రిగింది. దంప‌తులు స‌హా ఐదుగురు చిన్నారులు అగ్నికి ఆహుతులైనారు. కుటుంబంలోని వారంతా నిద్రిస్తున్న స‌మ‌యంలో మంట‌లు చెల‌రేగి ఈ ప్ర‌మాదం చోటుచేసుకుంది. భార్యాభ‌ర్త‌ల‌తో పాటు వారి న‌లుగురు కుమార్తెలు, ఏడాది వ‌య‌సున్న కుమారుడు, చ‌నిపోయారు. వేరే ప్రాంతంలో నిద్రిస్తున్న వీరి మ‌రో కుమారుడు రాజేశ్‌(17) ప్రాణాల‌తో ఉన్నాడు. తెల్ల‌వారుజామున 3 గంట‌ల ప్రాంతంలో ఈ ఘ‌ట‌న చోటుచేసుకున్న‌ట్లు పోలీసులు తెలిపారు. ప్ర‌మాదానికి గ‌ల కార‌ణాలు తెలియ‌రాలేదు.