బూర్గంపాడులో చేప‌ల లారీ బోల్తా.. 30 నిమిషాల్లో లోడు ఖాళీ..

బూర్గంపాడు (CLiC2NEWS): భ‌ద్రాద్రి కొత్త‌గూడెం జిల్లా బూర్గంపాడు మండ‌లంలో చేప‌ల లోడ్‌తో వెళ్లున్న లారీ బోల్తా ప‌డింది. ఐటిసి క్రాస్ రోడ్డు వ‌ద్ద మంగ‌ళ‌వారం జ‌రిగిన ఈ రోడ్డు ప్ర‌మాదంలో లారీలోని చేప‌ల‌న్నీ రోడ్డుపై ప‌డిపోయాయి. ఈ చేప‌ల కోసం స్థానికులు ఎగ‌బ‌డ్డారు. లారీలో దాదాపు 4 వేల‌కు పైగా చేప‌లు ఉన్న‌ట్లు స‌మాచారం.. ఒక్కో చేప బ‌రువు 2 కేజీలు.. అయితే ట్రాఫ‌క్ జామ్ అవుతుంద‌ని పోలీసులు వారించినా స్థానికులు మాత్రం ప‌ట్టించుకోలేదు. లారీ లోంచి ప‌డిపోయి. 4 వేల‌కు పైగా చేప‌ల‌ను స్థానికులు 30 నిమిషాల్లో ఖాళీ చేశారు. ఈ ప్ర‌మాదంలో డ్రైవ‌ర్‌కు గాయాలు కావ‌డంతో పోలీసులు ఆసుప‌త్రికి త‌ర‌లించారు. ఈ ఘ‌ట‌న‌పై కేసు న‌మోదు చేసుకొని ద‌ర్యాప్తు చేస్తున్నారు.