IRCTC: రైల్వే ప్ర‌యాణికుల‌కు శుభ‌వార్త‌..

ఢిల్లీ (CLiC2NEWS): ఇండియ‌న్ రైల్వే కేట‌రింగ్ అండ్ టూరిజం కార్పొరేష‌న్ (IRCTC) గుడ్ న్యూస్ అందించింది. ఫ్యామిలీ మొత్తం క‌లిసి రైల్లో ప్ర‌యాణించేందుకు ఒక నెల‌లో ఆన్‌లైన్ లేదా యాప్ ద్వారా బుక్ చేసుకునే టికెట్ల సంఖ్య ప‌రిమితిని పెంచింది. ఆధార్ అనుసంధానం చేసిన యూజ‌ర్ ఐడీ ద్వారా ఇప్ప‌టి వ‌ర‌కు 12 టికెట్లు మాత్ర‌మే బుక్‌చేసుకొనే అవ‌కాశం ఉండేది. దానిని 24 టికెట్లు వ‌ర‌కు బుక్ చేసుకొనేందుకు అవ‌కాశం క‌ల్పించింది. ఇక ఆధార్ అనుసంధానం చేయ‌ని యూజ‌ర్ ఐడీ ద్వారా ఒక నెల‌లో ఆరు టికెట్లు మాత్ర‌మే బుక్ చేసుకోవ‌చ్చు. ఇప్పుడ‌ది 12 టికెట్లు వ‌ర‌కు ఐఆర్‌సిటిసి అనుమ‌తించింది.