Hyderabad: న‌గ‌ర‌వాసుల‌కు అలెర్ట్.. పలుచోట్ల మంచినీటి సరఫరాకు అంతరాయం
హైద‌రాబాద్ (CLiC2NEWS): తాగునీటి సరఫరాకు సంబంధించి జలమండలి హైద‌రాబాద్ వాసుల‌కు కీల‌క సూచ‌న చేసింది. మహానగరానికి మంచినీటిని సరఫరా చేస్తున్న కృష్ణ డ్రింకింగ్ వాటర్ సప్లై ప్రాజెక్ట్(కేడీడబ్ల్యూఎస్పీ) ఫేజ్ – 1కి సంబంధించి మిరాలం ఆలియాబాద్ ఆఫ్‌టేక్ వ‌ద్ద 1200 ఎంఎం డ‌యా ఎంఎస్ గ్రావిటీ మెయిన్‌కు జంక్ష‌న్ పనులు జ‌రుగ‌నున్నాయి. ఎస్ఆర్‌డీపీలో భాగంగా జ‌రుగుతున్న ఫ్లైఓవ‌ర్ నిర్మాణానికి ఆటంకం క‌ల‌గ‌కుండా ఈ పనులు జ‌ర‌గ‌నున్నాయి. బుధ‌వారం (జూలై 13), ఉద‌యం 6 గంటల నుండి గురువారం (జూలై14) సాయంత్రం 6 గంటల వరకు సుమారు 36 గంటల పాటు ఈ పనులు కొనసాగుతాయి. ఈ నేప‌థ్యంలో 36 గంటల వరకు కృష్ణ డ్రింకింగ్ వాటర్ సప్లై ప్రాజెక్ట్ ఫేజ్ – 1 కింద ఉన్న రిజర్వాయర్ల ప‌రిధిలో నీటి సరఫరాకు అంతరాయం ఏర్ప‌డ‌నున్న‌ట్లు జలమండలి ఓ ప్ర‌క‌ట‌న విడుద‌ల చేసింది.
నీటి సరఫరాలో అంతరాయం ఏర్పడే ప్రాంతాలు:
- 1. ఓ అండ్ ఎమ్ డివిజన్ నం. 1 – మిరాలం, కిష‌న్‌బాగ్‌, అల్ జుబైల్ కాల‌నీ రిజర్వాయర్ల ప‌రిధిలోని ప్రాంతాలు.
- 2. ఓ అండ్ ఎమ్ డివిజన్ నం. 2ఏ – సంతోష్‌న‌గ‌ర్‌, విన‌య్ న‌గ‌ర్‌, సైదాబాద్‌, చంచ‌ల్‌గూడ, అస్మాన్‌గ‌ఢ్‌, యాకూత్‌పురా, మాద‌న్న‌పేట, మ‌హ‌బూబ్ మాన్ష‌న్ రిజర్వాయర్ల ప‌రిధిలోని ప్రాంతాలు.
- 3. ఓ అండ్ ఎమ్ డివిజన్ నం. 2బీ – రియాస‌త్‌న‌గ‌ర్‌, ఆలియాబాద్, బాలాపూర్‌ రిజర్వాయర్ల ప‌రిధిలోని ప్రాంతాలు.
- 4. ఓ అండ్ ఎమ్ డివిజన్ నం. 4 – బొగ్గుల‌కుంట, అప్జ‌ల్‌గంజ్ రిజర్వాయర్ల ప‌రిధిలోని ప్రాంతాలు.
- 5. ఓ అండ్ ఎమ్ డివిజన్ నం. 5 – నారాయ‌ణ‌గూడ, అడిక్‌మెట్‌, శివం, న‌ల్ల‌కుంట, చిల‌కల‌గూడ రిజర్వాయర్ల ప‌రిధిలోని ప్రాంతాలు.
- 6. ఓ అండ్ ఎమ్ డివిజన్ నం. 10ఏ – దిల్‌సుఖ్‌న‌గ‌ర్ రిజ‌ర్వాయ‌ర్‌ ప‌రిధిలోని ప్రాంతాలు.
- 7. ఓ అండ్ ఎమ్ డివిజన్ నం. 20 – బొంగుళూరు రిజ‌ర్వాయ‌ర్‌ ప‌రిధిలోని ప్రాంతాలు.
- 8. ఓ అండ్ ఎమ్ డివిజన్ నం. 25 – మ‌న్నెగూడ రిజ‌ర్వాయ‌ర్‌ ప‌రిధిలోని ప్రాంతాలు.
వీటితో పాటు కృష్ణ డ్రింకింగ్ వాటర్ సప్లై ప్రాజెక్ట్(కేడీడబ్ల్యూఎస్పీ) ఫేజ్ – 2, 3కి సంబంధించి గొడ‌కొండ్ల 132 కేవీ స‌బ్‌స్టేష‌న్‌లో ట్రాన్స్‌ఫార్మార్ల‌ను టీఎస్‌ట్రాన్స్‌కో మార్పు పనులు జ‌రుగ‌నున్నాయి. ఈనేప‌థ్యంలో బుధ‌వారం (జూలై 13) ఉద‌యం 10 గంటల నుండి మ‌ధ్యాహ్నం ఒంటి గంట వరకు మొత్తం 3 గంటల పాటు ఈ పనులు కొనసాగుతాయి. ఈనేప‌థ్యంలో 3 గంటల వరకు కృష్ణ డ్రింకింగ్ వాటర్ సప్లై ప్రాజెక్ట్ ఫేజ్ – 2, 3 కింద ఉన్న రిజర్వాయర్ల ప‌రిధిలో నీటి సరఫరాకు పాక్షికంగా అంతరాయం ఏర్పడుతుంది.
నీటి సరఫరాకు అంతరాయం ఏర్పడే ప్రాంతాలు:
- 1. ఓ అండ్ ఎమ్ డివిజన్ నం. 2 – మైసారం, బార్కాస్ శాస్త్రిపురం, బండ్ల‌గూడ.
- 2. ఓ అండ్ ఎమ్ డివిజన్ నం. 3 – భోజ‌గుట్ట, చింత‌ల్‌బ‌స్తీ, షేక్‌పేట్‌.
- 3. ఓ అండ్ ఎమ్ డివిజన్ నం. 4 – అల్లాబండ.
- 4. ఓ అండ్ ఎమ్ డివిజన్ నం. 5 – మేక‌ల‌మండి, భోల‌క్‌పూర్.
- 5. ఓ అండ్ ఎమ్ డివిజన్ నం. 6 – జూబ్లీహిల్స్‌, ఫిల్మ్‌న‌గ‌ర్‌, ప్ర‌శాస‌న్ న‌గ‌ర్‌, త‌ట్టిఖానా.
- 6. ఓ అండ్ ఎమ్ డివిజన్ నం. 7 – తార్నాక, లాలాపేట, బౌద్ధ‌న‌గ‌ర్‌, మారేడ్‌ప‌ల్లి, రైల్వేస్ కంట్రోల్ రూమ్‌, రైల్వేస్, ఎంఈఎస్‌, కంటోన్మెంట్‌, ప్ర‌కాశ్ న‌గ‌ర్‌, పాటిగ‌డ్డ.
- 7. ఓ అండ్ ఎమ్ డివిజన్ నం. 9 – హ‌స్మ‌త్‌పేట్‌, ఫిరోజ్‌గూడ, గౌత‌మ్‌న‌గ‌ర్‌.
- 8. ఓ అండ్ ఎమ్ డివిజన్ నం. 10 – సాహేబ్‌న‌గ‌ర్‌, వైశాలిన‌గ‌ర్‌, బీఎన్ రెడ్డి న‌గ‌ర్‌, వ‌న‌స్థ‌లిపురం, ఆటోన‌గ‌ర్‌, మారుతిన‌గ‌ర్‌.
- 9. ఓ అండ్ ఎమ్ డివిజన్ నం. 13 – మ‌హేంద్ర‌హిల్స్‌, సైనిక్‌పురి, మౌలాలి.
- 10. ఓ అండ్ ఎమ్ డివిజన్ నం. 14 – వెలుగుగుట్ట, రామంతాపూర్‌, ఉప్ప‌ల్‌, నాచారం, హ‌బ్సిగూడ, చిలుకాన‌గ‌ర్‌, బీర‌ప్ప‌గ‌డ్డ, స్నేహ‌పురి, కైలాస్‌గిరి, దేవేంద్ర‌న‌గ‌ర్‌.
- 11. ఓ అండ్ ఎమ్ డివిజన్ నం. 15 – గ‌చ్చిబౌలి, మాధాపూర్‌, అయ్య‌ప్ప సొసైటీ, కావూరీ హిల్స్‌.
- 12. ఓ అండ్ ఎమ్ డివిజన్ నం. 16 – మ‌ధుబ‌న్‌, దుర్గాన‌గ‌ర్‌, బుద్వేల్‌, సులేమాన‌గ‌ర్‌, గోల్డెన్ హైట్స్‌, నైన్ నెంబ‌ర్‌.
- 13. ఓ అండ్ ఎమ్ డివిజన్ నం. 18 – గంధంగూడ.
- 14. ఓ అండ్ ఎమ్ డివిజన్ నం. 19 – బోడుప్ప‌ల్‌, మ‌ల్లికార్జున‌న‌గ‌ర్‌, మాణిక్‌చంద్‌, చెంగిచ‌ర్ల, భ‌ర‌త్‌న‌గ‌ర్‌, ఫీర్జాదిగూడ.
- 15. ఓ అండ్ ఎమ్ డివిజన్ నం. 20 – మీర్‌పేట, లెనిన్‌న‌గ‌ర్‌, బ‌డంగ్‌పేట, ధ‌ర్మ‌సాయి.
- 16. ఓ అండ్ ఎమ్ డివిజన్ నం. 22 – మ‌న్నెగూడ, తుర్క‌యంజాల్‌.
కావునా నీటి సరఫరాలో అంతరాయం కలగనున్న ప్రాంతాల్లోని వినియోగదారులు నీటిని పొదుపుగా వాడుకోవాల‌ని జలమండలి అధికారులు సూచించారు.