అమెరికాలో హైద‌రాబాద్‌కు చెందిన యువ‌కుడు మృతి
హైద‌రాబాద్ (CLiC2NEWS): అమెరికాలో జ‌రిగిన రోడ్డు ప్ర‌మాదంలో న‌గ‌రానికి చెందిన యువ‌కుడు ప్రాణాలు కోల్పోయాడు. ఈ నెల 17న సందీప్ కుమార్ యాద‌వ్ త‌న స్నేహితిడుతో క‌ల‌సి బ‌య‌లుదేరాడు. ఈ క్ర‌మంలో ఎదురుగా వ‌స్తున్న‌కారు బలంగా ఢీకొట్ట‌డంతో సందీప్ అక్క‌డిక‌క్క‌డే మృతి చెందాడు. అత‌ని స్నేహితుడు గాయాలతో బ‌య‌ట‌ప‌డ్డాడు. సందీప్ కుంటుంబం హైద‌రాబాద్‌లోని కుత్బుల్లాపూర్ డివిజ‌న్ లోని ప‌ద్మాన‌గ‌ర్లో నివాసం ఉంటోంది. సందీప్ రెండేళ్ల క్రితం ఎమ్మెస్ చేసేందుకు అమెరికా వెళ్లాడు. ఉన్న‌త చ‌దువుల కోసం అమెరికా వెళ్లిన త‌మ కుమారుడి మ‌ర‌ణ‌వార్త విన్న తల్లిదండ్రులు సోక‌సంద్ర‌లో మునిగిపోయారు. త‌మ కుమారుడి మృత‌దేహం హైద‌రాబాద్ తీసుకొచ్చేందుకు ప్ర‌భుత్వం సాయం చేయాల్సిందిగా కోరుతున్నారు.