ఈ దుశ్శాసన దుర్వినీతి లోకంలో..

ఈ కలియుగ దుశ్శాసన దుర్వినీతి లోకంలో

మానవత్వం మంటల్లో మసైపోతోంది ఈ అవనిలో..!

పసి కునల ఆక్రందనలు వినిపిస్తున్నా

వినపడనట్టు నటిస్తూ

కనులకు గంతలు కట్టుకుని

బ్రతికే వారెందరో ఈ అవనిలో..!

గుండె గూటిలో పదిలంగా దాచుకున్న కలల ప్రపంచాన్నీ

చెల్లాచెదురు చేస్తూ పసిపాపల బ్రతుకులను బుగ్గిపాలు చేస్తు కళ్ళపడని మేకవన్నెపులులెన్నో

ఈ అవనిలో..!

మగ మృగాల (కొంత మంది మాత్రమే)అన్యాయ కరాళ నృత్యానికి భయపడి దయ కరుణ జాలి ఆటుకు ఎక్కి కూర్చున్నాయి, ఈ అవనిలో..!

కలియుగ దుశ్శాసనలు పశువులుగా మారి

పసి మొగ్గల సమాధులే కడుతుంటే

ఏమైపోతుంది మహిళా ప్రపంచం ఈ అవనిలో..!

ఓ మగువా నీ అక్షరమే ఆయుధమై…

స్త్రీలు, ఆడపిల్లలు, పసిపాపలు పట్టపగలు స్వేచ్ఛగా తిరిగే లోకాన్ని సృష్టించు ఈ అవనిలో..!

ఓ మగువా అపర ఝాన్సీ రుద్రమదేవిలా

కలుపుమొక్కలను ఏరి పారేసి స్త్రీలు, ఆడపిల్లలు, పసిపాపలు పట్టపగలు స్వేచ్ఛగా తిరిగే లోకాన్ని సృష్టించు ఈ అవనిలో..!

-మంజుల పత్తిపాటి