పిఎస్ఎల్‌వి-సి52 ప్ర‌యోగం విజ‌య‌వంతం

శ్రీ‌హ‌రికోట (CLiC2NEWS): భార‌త అంత‌రిక్ష‌సంస్థ (ISRO) చేప‌ట్టిన పోలార్ శాటిలైట్ లాంచ్ వెహిక‌ల్‌-సి52 ప్ర‌యోగం విజ‌య‌వంత‌మైంది. శ్రీ పొట్టిశ్రీ‌రాములు నెల్లూరు జిల్లా శ్రీ‌హ‌రికోట‌లోని స‌తీశ్‌ధ‌వ‌న్ అంత‌రిక్ష ప్ర‌యోగ కేంద్రం నుండి దీన్ని ప్ర‌యోగించారు. వాహ‌న నౌక ఆర్ ఐశాట్‌-1, ఐఎన్ ఎస్‌-2టిడి, ఇన్‌స్పైర్‌వాట్‌-1 ఉప‌గ్ర‌హాల‌ను నింగిలోకి మోసుకెళ్లింది. 18.31 నిమిష‌ముల త‌ర్వాత ఈ మూడు ఉప‌గ్ర‌హాల‌ను రాకెట్ క‌క్ష్య‌లోని ప్ర‌వేశ‌పెట్టింద‌ని ఇస్రో ఛైర్మ‌న్ డాక్ట‌ర్ సోమ‌నాథ్ ప్ర‌క‌టించారు. ఈ సంవ‌త‌స‌రంలో ఇస్రోకు ఇది మొద‌టి ప్ర‌యోగం, ఇస్రో అధిప‌తిగా బాధ్య‌తలు చేప‌ట్టిన డాక్ట‌ర్ సోమ‌నాథ్ ఆధ్వ‌ర్యంలో చేప‌ట్టిన తొలిప్ర‌యోగం.