నేటినుండి ఆఫ్‌లైన్‌లో శ్రీ‌వారి స‌ర్వ‌ద‌ర్శ‌నం టోకెన్ల జారీ..
తిరుమ‌ల (CLiC2NEWS): తిరుమ‌ల తిరుప‌తి దేవ‌స్థానం శ్రీ‌వారి భ‌క్తుల‌కు ఈరోజు (మంగ‌ళ‌వారం) నుండి ఆఫ్‌లైన్‌లో స‌ర్వ‌ద‌ర్శ‌నం టోకెన్ల జారీ చేస్తుంది. ఫిబ్ర‌వ‌రి 16వ తేదీ ద‌ర్శ‌నం కోసం ఈరోజు ఉద‌యం 9 గంట‌ల‌నుండి స‌ర్వ‌ద‌ర్శ‌నం టోకెన్ల‌ను జారీ చేస్తున్నారు. క‌రోనా మ‌హ‌మ్మారి కార‌ణంగా అఫ్‌లైన్ టికెట్ల జారీని నిలిపివేసిన సంగ‌తి తెలిసిందే. కొవిడ్ తీవ్ర‌త త‌గ్గుముఖం ప‌ట్ట‌డంతో.. నిలిపివేసిన అఫ్‌లైన్ టికెట్ల జారీ ప్ర‌క్రియ‌ను నేటినుండి కొన‌సాగించాల‌ని నిర్ణ‌యించింది.
తిరుప‌తిలోని భూదేవి కాంప్లెక్స్‌, శ్రీ‌నివాసం కాంప్లెక్స్‌, శ్రీ గోవింద రాజ‌స్వామి స‌త్రాల‌లో కౌంట‌ర్లు ఏర్పాటు చేసి టిటిడి భ‌క్తుల‌కు స‌ర్వ‌ద‌ర్శ‌నం టోకెన్ల‌ను జారీ చేస్తుంది.