పోలీసుల కస్టడీకి కార్వి చైర్మన్‌

హైదరాబాద్ ‌(CLiC2NEWS): కార్వి స్టాక్‌ బ్రోకరింగ్‌ చైర్మన్‌ పార్థ సారధిని పోలీసులు కస్టడీలోకి తీసుకున్నారు. చంచల్‌గూడ జైలు నుంచి నాంపల్లి సీసీఎస్‌ కార్యాలయానికి పోలీసులు తరలించారు. ఇవాళ, రేపు ఆయనను పోలీసులు విచారించనున్నారు. ఇండస్ ఇండ్ బ్యాంకును మోసం చేసినందుకు పార్థసారథిపై సీసీఎస్​లో కేసు నమోదైంది. ఈ నెల 19న అరెస్ట్ చేసి రిమాండ్​కు తరలించారు. ఇండస్ ఇండ్ బ్యాంకులో రూ.137 కోట్ల రుణం తీసుకున్న పార్థసారథి… ఆ మొత్తాన్ని తిరిగి చెల్లించలేదు. అంతేకాకుండా నిబంధనలకు విరుద్దంగా పెట్టుబడిదారుల షేర్లను తనఖా పెట్టి బ్యాంకులో రుణం తీసుకున్నారు. ఈ కేసులో మరింత పురోగతి సాధించేందుకు నాంపల్లి న్యాయస్థానం ఆదేశాలతో రెండు రోజుల పాటు పార్థసారథిని ప్రశ్నించనున్నారు.