ప్ర‌కాశ్‌రాజ్ ద‌త్త‌త తీసుకున్న గ్రామం అభివృద్ధిపై కెటిఆర్ ప్ర‌శంస
హైద‌రాబాద్ (CLiC2NEWS): రాష్ట్ర ఐటి, ప‌రిశ్ర‌మ‌ల శాఖ మంత్రి కెటిఆర్ న‌టుడు ప్ర‌కాశ్‌రాజ్ ద‌త్త‌త తీసుకున్న గ్రామం అభివృద్ధిపై ప్ర‌శంశ‌ల జ‌ల్లు కురిపించారు. సినీ న‌టుడు ప్ర‌కాశ్‌రాజ్ గ్రామ‌జ్యోతి కార్య‌క్ర‌మం స్ఫూర్తితో 2015లో షాద్‌న‌గ‌ర్‌లోని కేశం పేట మండ‌లంలోని కొండారెడ్డిప‌ల్లి గ్రామాన్ని ద‌త్త‌త తీసుకున్నారు. అనంత‌రం ఆ గ్రామ అభివృద్ధికి ప్ర‌త్యేక చొర‌వ తీసుకున్నారు. స్థానిక ఎమ్మెల్యే అంజ‌య్య‌తో క‌లిసి పురోగ‌తిని సాధించారు. రోడ్లు వేయించ‌డం, రోడ్డుకు ఇరువైపులా ఫుట్‌పాత్‌, దిమ్మెల‌ను ఏర్పాటు చేశారు. గ్రామంలోని వీధుల‌న్నిటికి ఇరువైపులా చెట్లు నాటించ‌డం, గ్రామంలో ఉచిత వైద్య శిబిరాలు ఏర్పాటు చేశారు. వీటికి సంబంధించిన ఫోటోల‌ను మ‌ధుసూద‌న్‌రావు అనే వ్య‌క్తి మంత్రి కెటిఆర్‌కు ట్యాగ్ చేయ‌గా.. ఆయ‌న స్పందించారు. స్ర‌కాశ్ రాజ్ ద‌త్త‌త తీసుకున్న గ్రామం ఎంతో అభివృద్ధి చెందింద‌ని కెటిఆర్ త‌న ట్వీట్‌లో పేర్కొన్నారు.
This is the village adopted by @prakashraaj
Great progress made in tandem with local MLA @AnjaiahYTRS Garu 👏 https://t.co/yGfYdloaFT
— KTR (@KTRTRS) September 20, 2022