కుంభ‌మేళా తొక్కిస‌లాట ఘ‌ట‌న.. 30కి చేరిన మృతుల సంఖ్య
ప్ర‌యాగ‌రాజ్ (CLiC2NEWS): మ‌హా కుంభ‌మేళాలో బుధ‌వారం తెల్ల‌వారుజామున తొక్కిస‌లాట జ‌రిగిన విష‌యం తెలిసిందే. ఈ ఘ‌ట‌న‌లో 30 మంది ప్రాణాలు కోల్పోయిన‌ట్లు మ‌హాకుంభ్ డిఐజి వైభ‌వ్ కృష్ణ తెలిపారు. ఈ ఘ‌ట‌న‌కు సంబంధించిన విష‌యాల‌ను ఆయ‌న మీడియాకు వెల్ల‌డించారు. మౌని అవావాస్య.. విశిష్ట రోజు కావ‌డంతో కుంభ‌మేళాకు భారీగా జ‌నం రావ‌డంతో అర్ద‌రాత్రి 1-2 గంట‌ల మ‌ధ్య తొక్కిస‌లాట జ‌రిగిన‌ట్లు స‌మాచారం. బారికేడ్లు ధ్వంసం కావ‌డం వ‌ల‌నే ప్ర‌మాదం జ‌రిగిన‌ట్లు పేర్కొన్నారు. ఈ ఘ‌ట‌న‌లో 60 మంది గాయ‌ప‌డిన‌ట్లు తెలుస్తోంది. మృతుల‌లో 25 మంది ఆచూకీ గుర్తించామ‌ని.. మ‌రో ఐదుగురిని గుర్తించాల్సి ఉంద‌ని తెలిపారు. ప్ర‌స్తుతం కుంభ‌మేళాలో సాధార‌ణ ప‌రిస్తితి నెల‌కొన్న‌ద‌ని.. వివ‌రాల‌కు హెల్ప్‌లైన్ నంబ‌ర్ 1920 ను సంప్ర‌దించాల‌ని డిఐజి సూచించారు. ఈ రోజు కుంభ‌మేళాకు విఐపిల ను అనుమ‌తించ‌లేద‌ని తెలిపారు.