ల్యాప్‌టాప్ పేలి.. సాఫ్ట్‌వేర్ ఇంజినీర్‌కు తీవ్ర గాయాలు
బి. కోడూరు (CLiC2NEWS): వైఎస్సార్ క‌డ‌ప జిల్లా బి. కోడూరు మండ‌లంలోని మేక‌వారి ప‌ల్లెలో ల్యాప్‌టాప్ పేలి ఓ సాఫ్ట్‌వేర్ ఇంజినీర్‌కు తీవ్ర గాయాల‌య్యాయి. సాఫ్ట్‌వేర్ ఇంజినీర్ ఓ యువ‌తి (22) సోమ‌వారం ఉద‌యం వ‌ర్క్‌ఫ్రం హోం లో భాగంగా ల్యాప్‌టాప్ పై వ‌ర్క్ చేస్తున్న స‌మ‌యంలో షార్ట్ స‌ర్క్యూట్ కావ‌డంతో ల్యాప్‌టాప్‌లో ఒక్క‌సారిగా మంట‌లు చెల‌రేగాయి. దీంతో బెడ్‌పైన కూర్చుని వ‌ర్క్ చేస్తున్న యువ‌తి విద్యుత్ షాక్ గురై అప‌స్మార‌క స్థితిలోకి వెళ్లిపోయింది. బెడ్‌ కు సైతం మంట‌లు అంటుకున్నాయి. గ‌దినుంచి పొగ‌లు వ‌స్తుండ‌టాన్ని గ‌మ‌నించిన కుటుంబ స‌భ్యులు సుమ‌ల‌త‌ను చికిత్స కోసం క‌డ‌ప‌లోని ఓ ఆసుప‌త్రికి త‌ర‌లించారు. దాదాపు 80 శాతం కాలిన గాయాల‌వ్వ‌డంతో యువ‌తి ప‌రిస్థితి విష‌మంగా ఉంద‌ని వైద్యులు తెలిపారు.