టిడిపి పార్ల‌మెంట‌రీ పార్టీ నేత‌గా లావు శ్రీ‌కృష్ణ దేవరాయ‌లు..
అమ‌రావ‌తి (CLiC2NEWS): లోక్‌స‌భ‌లో తెలుగుదేశం పార్టి పార్ల‌మెంట‌రీ పార్టి నేత‌గా న‌ర‌స‌రావు పేట ఎంపి లావు శ్రీ‌కృష్ణ దేవరాయ‌లుని ముఖ్య‌మంత్రి చంద్ర‌బాబు ఎంపిక చేశారు. ఎన్‌టిఆర్ భ‌వ‌న్‌లో సిఎం అధ్య‌క్ష‌త‌న టిడిపి పార్ల‌మెంట‌రీ పార్టి తొలిసారి స‌మావేశ‌మైంది. ఈ స‌మావేశంలో లోక్‌స‌భ‌లో పార్టి నేత‌గా ఎంపిక చేశారు. డిప్యూటి ఫ్లోర్ లీడ‌ర్లుగా ద‌గ్గుమ‌ల్ల ప్రస‌ద్ రావు, బైరెడ్డి శ‌బ‌రిల‌ను నియ‌మించారు. కోశాధికారిగా వేమిరెడ్డి ప్ర‌భాక‌ర్ రెడ్డి, పార్ల‌మెంట‌రీ పార్టి విప్‌గా గంటి హ‌రీష్‌ల‌ను ఎంపిక చేయ‌డం జ‌రిగింది. ఈ నెల 24 వ తేదీ నుండి లోక్‌స‌భ స‌మావేశాలు ప్రారంభంకానున్నాయి. సార్వ‌త్రిక‌ల ఎన్నిక‌ల్లో లోక్‌స‌భ‌కు టిడిపి నుండి 16 మంది ఎన్నిక‌య్యారు. లోక్‌స‌భ స‌మావేశాల్లో పాల్గొని .. అనుసరించాల్సిన వైఖ‌రి, లేవ‌నెత్తాల్సిన అంశాల‌పై స‌మావేశంలో చ‌ర్చించిన‌ట్లు స‌మాచారం.