సిఎం చంద్ర‌బాబుతో ప్ర‌పంచ బ్యాంకు ప్ర‌తినిధుల భేటీ
అమ‌రావ‌తి (CLiC2NEWS): ఎపి ముఖ్య‌మంత్రి చంద్ర‌బాబుతో ప్ర‌పంచ‌బ్యాంకు, ఎడిబి ప్ర‌తినిధుల బృందం మంగ‌ళ‌వారం స‌మావేశ‌మైంది. రాజ‌ధాని అమ‌రావ‌తి నిర్మాణానికి కేంద్రం బ‌డ్జుట్‌లో రూ.15 వేల కోట్లు ప్ర‌క‌టించిన సంగ‌తి తెలిసిందే. ఈ నిధులు స‌మ‌కూర్చేందుకు కేంద్రం చ‌ర్య‌లు చేప‌ట్టింది. దీనిలో భాగంగానే ప్ర‌పంచ బ్యాంకు ప్ర‌తినిధుల బృందం స‌చివాల‌యంలో సిఎంతో భేటీ అయ్యింది. అమ‌రావ‌తి అభివృద్ధి , ఆర్ధిక సాయానికి సంబంధించిన అంశాల‌పై సిఎంతో చ‌ర్చుస్తున్న‌ట్లు స‌మాచారం.
ఎపి రాజ‌ధాని నిర్మాణానికి ప్ర‌పంచ‌బ్యాంకు, ఎడిబి రుణం స‌మకూర్చ‌నుంది. రెండు బ్యాంకుల ప్ర‌తినిధులు ఆగ‌స్టు 27 వ‌ర‌కు అమ‌రావ‌తిలో ప‌ర్య‌టించ‌నున్నారు. ఈ స‌మావేశంలో పుర‌పాల‌క శాఖ మంత్రి నారాయ‌ణ, ఆర్ధిక శాఖ ఉన్న‌తాధికారులు పాల్గొన్నారు.