మేడ్చ‌ల్‌ జిల్లాలో ఐటి పార్క్‌కు శంకుస్థాప‌న చేసిన మంత్రి కెటిఆర్‌

హైద‌రాబాద్‌ (CLiC2NEWS): తెలంగాణ గేట్‌వే పేరుతో నిర్మిస్తున్న‌ మేడ్చ‌ల్‌ జిల్లాలోని కండ్ల‌కోయ‌లో ఐటీ పార్క‌కు మంత్రి మ‌ల్లారెడ్డితో క‌లిసి తెలంగాణ ప‌రిశ్ర‌మ‌ల శాఖామంత్రి కెటిఆర్ శంకుస్థాప‌న చేశారు. ఈ సంద‌ర్భంగా ఆయ‌న మాట్లాడుతూ.. ఐటి పార్కుతో కండ్ల‌కోయ ప్రాంతం మ‌రింత అభివృద్ది చెందుతుంద‌ని అన్నారు. ప్ర‌పంచంలోనే మొద‌టి స్థానంలో ఉన్న కంపెనీల క్యాంప‌స్‌లు హైద‌రాబాద్‌లోనే ఉన్నాయ‌న్నారు. గూగుల్ మైక్రోసాప్ట్‌, అమెజాన్ వంటి సంస్థ‌ల అతిపెద్ద క్యాంప‌స్‌లు న‌గరంలో కార్య‌క‌లాపాలు సాగిస్తున్నాయ‌న్నారు.

విద్యార్థులు నైపుణ్యాల‌ను పెంచుకుంటే ఉద్యోగాల‌న్నీ స్థానికుల‌కే ద‌క్కుతాయ‌న్నారు. ప్ర‌పంచంలోని అతిపెద్దదైన ఎత్తిపోత ప‌థ‌కాన్నా మూడున్న‌రేళ్లలో పూర్తిచేశామ‌ని మేడిగడ్డ నుంచి మేడ్చ‌ల్‌కు గోదావ‌రి జ‌లాలు తీసుకువ‌చ్చామ‌ని మంత్రి అన్నారు.