2024 మిస్ యూనివ‌ర్స్‌గా విక్టోరియా కెజార్ హెల్విగ్‌

మెక్సికో (CLiC2NEWS): ఈ ఏడాది విశ్వ‌సుంద‌రి కిరీటాన్ని డెన్మార్క్‌కు చెందిన విక్టోరియా కెజార్ హెల్విగ్ సొంతం చేసుకున్నారు. మిస్ యూనివ‌ర్స్ కిరీటాన్ని అందుకున్న తొలి డెన్మార్క్ భామ విక్టోరియా. 2024 మిస్ యూనివ‌ర్స్ అందాల పోటీలు మెక్సికో వేదిక‌గా జ‌రిగాయి. ఈ పోటీల్లో మొత్తం 120 మంది అందాల భామ‌లు పోటీ ప‌డ‌గా.. 73 వ విశ్వ‌సుంద‌రి కిరీటం విక్టోరియా కెజార్ ను వ‌రించింది. మొద‌టి, రెండో ర‌న్న‌ర‌ప్‌లుగా నైజీరియాకు చెందిన చిడిమ్మ అడెట్షినా, మెక్సికోకు చెందిన మ‌రియా ఫెర్నాండా బెల్‌ట్రాప్ నిలిచారు. 2023 మిస్ యూనివ‌ర్స్‌గా గెలుపొందిన షెన్నిస్ ప‌లాసియోస్ కెజార్‌కు కిరీటాన్ని అంద‌జేశారు. ఈ పోటీల్లో భార‌త్ నుండి రియాసింఘా పాల్గొన్నారు.