క్రికెట్‌కు మిథాలిరాజ్ రిటైర్మెంట్..
ఢిల్లీ (CLiC2NEWS): భార‌త మ‌హిళా క్రికెట్ వ‌న్డే, టెస్టు కెప్టెన్ మిథాలీ రాజ్ క్రికెట్‌కు రిటైర్మెంట్ ప్ర‌క‌టించారు. అంత‌ర్జాతీయ క్రికెట్‌లో అన్ని ఫార్మాట్ల నుండి త‌ప్పుకొంటున్న‌ట్లు ట్విట‌ర్ వేదిక‌గా ప్ర‌క‌టించారు. ఈ మేర‌కు ఓ లేఖ‌ను విడుద‌ల చేశారు. ఇన్నేళ్లు జ‌ట్టుకు నాయ‌క‌త్వం వ‌హించ‌డం చాలా గ‌ర్వంగా ఉంద‌ని పేర్కొన్నారు. మ‌హిళ‌ల క్రికెట్ జ‌ట్టును తీర్చిదిద్ద‌డంలో త‌న పాత్ర ఉండ‌టం ఎంతో ఆనందంగా ఉంద‌ని, అడుగ‌డుగునా త‌న‌కు స‌హ‌క‌రించిన వారికి కృత‌జ్ఞ‌త‌లు తెలిప‌రాఉ. భార‌త క్రికెట్‌ను ప్ర‌తిభ క‌లిగిన యువ ఆట‌గాళ్ల చేతుల్లో పెడుతున్నాన‌ని పేర్కొన్నారు. ఇన్నాళ్లూ త‌న‌పై చూపిన ప్రేమ, మ‌ద్ద‌తుకు ధ‌న్య‌వాదాలు తెలిపారు.