ప్రి క్వార్ట‌ర్స్‌లోకి అడుగు పెట్టిన నిఖ‌త్‌, మ‌నీషా

ఢిల్లీ (CLiC2NEWS): ప్ర‌పంచ మ‌హిళ‌ల బాక్సింగ్ ఛాంపియ‌న్ షిప్ పోటీల్లో తెలంగాణ అమ్మాయి నిఖ‌త్ జ‌రీన్ ప్రి క్వార్ట‌ర్స్‌లోకి అడుగు పెట్టింది. గ‌త ఏడాది 52 కేజీల విభాగంలో టైటిల్ సొంతం చేసుకున్న నిఖ‌త్‌.. ఆదివారం జ‌రిగిన 50 కేజీల విభాగంలో 5-0 తేడాతో అల్జీరియా బాక్స‌ర్ బోల‌మ్ రుమేసాను ఓడించింది. మ‌రోవైపు 57 కేజీల విభాగంలో మ‌నీషా కూడా ప్రి క్వార్ట‌ర్స్‌కు చేరింది. ఆమె కూడా 5-0 తేడాతో ర‌హిమి టీనాపై విజ‌యం సాధించింది. మ‌నీషా గ‌త సంవ‌త్స‌రం కాంస్యం సాధించింది. ఈ సారి పసిడి దిశ‌గా ప‌య‌నిస్తోంది. ప్రి క్వార్ట‌ర్స్ లో నిఖ‌త్ మెక్సికోకు చెందిన అల్వారెజ్ ఫాతిమాతో్.. మ‌నీషా ట‌ర్కీకి చెందిన ఎలీఫ్‌తో త‌ల‌ప‌డ‌నున్నారు. అయితే గ‌త సంవ‌త్స‌రం ఛాంపియ‌న్ షిప్‌లో అల్వారాజ్ పాతిమాపై నిఖ‌త్ విజ‌యం సాధించింది.