శ్రీ‌లంక‌తో మూడు టి20 సిరీస్‌కు టీమ్ ఇండియా కెప్టెన్‌గా పాండ్య!
IND vs SL: జులై నెలాఖ‌రున భారత్ శ్రీ‌లంక‌తో మూడు టి20లు, మూడు వ‌న్డేలు ఆడ‌నుంది. వ‌న్డే సిరీస్‌కు రోహిత్, కోహ్లీ బుమ్రా దూరం ఉండ‌నున్నారు. ఈ నేప‌థ్యంలో టి20 సిరీస్‌కు హార్దిక్ పాండ్య కెప్టెన్ గా వ్య‌వ‌హించ‌నున్న‌ట్లు స‌మాచారం. ప్ర‌స్తుతం భారత్ .. జింబాబ్వేతో ఐదు టి20ల సిరీస్ త‌ల‌ప‌డుతున్న విష‌యం తెలిసిందే. ఇది జులై 14తో ముగుస్తుంది. అనంత‌రం టీమ్ ఇండియా.. శ్రీ‌లంక‌తో జులై 27-30 మ‌ధ్య మూడు టి 20లు, ఆగ‌స్టు 2-7 మ‌ధ్య మూడు వ‌న్డేలు ఆడ‌నుంది. టి20 ప్ర‌పంచ‌క‌ప్‌లో చోటు ద‌క్కని రాహుల్ లంక‌తో జ‌ర‌గ‌నున్న వ‌న్డే సిరీస్‌లో ఎంట్రీ ఇవ్వ‌నున్న‌ట్లు స‌మాచారం.
టి 20 ప్ర‌పంచ‌క‌ప్ విజ‌యం అనంత‌రం కెప్టెన్ రోహిత్ శ‌ర్మ , కోహ్లీ రిటైర్ మెంట్ ప్ర‌క‌టించిన విష‌యం తెలిసిందే. దీంతో టి20 సిరీస్ ల‌కు కెప్టెన్ ప్లేస్‌ ఎవ‌రు భ‌ర్తీ చేస్తార‌న్న‌ది క్రికెట్ అభిమానుల్లో ఆస‌క్తి నెల‌కొంది. ఆ బాధ్య‌త‌లు పాండ్య‌కు అప్ప‌గించేందుకు బిసిసిఐ నిర్ణ‌యించిన‌ట్లు తెలుస్తోంది. కానీ అధికారిక ప్ర‌క‌ట‌న వెలువడాల్సి ఉంది.