వినేశ్.. నువ్వు ఛాంపియన్: ప్ర‌ధాని మోడీ
ఢిల్లీ (CLiC2NEWS): ఒలింపిక్స్లో భార‌త రెజ్ల‌ర్ వినేశ్ ఫొగాట్‌పై అన‌ర్హ‌త వేటు ప‌డిన విష‌యం తెలుసుకున్న ప్ర‌ధాని మోడీ స్పందిస్తూ.. వినేశ్.. నువ్వు ఛాంపియ‌న్ల‌కే ఛాంపియన్! నీ ప్ర‌తిభ దేశానికి గ‌ర్వ‌కార‌ణమ‌న్నారు. భార‌తీయులంద‌రికీ నీవు స్ఫూర్తిదాయ‌కం. నీకు త‌గిలిన ఎదురుదెబ్బ ఎంతో బాధించింది.దానిని వ్య‌క్త‌ప‌ర‌చ‌డానికి నా వ‌ద్ద మాట‌లు లేవు. దీని నుండి బ‌య‌ట‌ప‌డి నువ్వు బ‌లంగా తిరిగిరాగ‌ల‌వ‌ని న‌మ్ముతున్నా. స‌వాళ్ల‌ను ఎదురించ‌డం నీనైజం. నీకు మేమంతా అండ‌గా ఉన్నామంటూ ప్ర‌ధాని భ‌రోసానిచ్చారు.
ప్ర‌ధాన‌మంత్రి న‌రేంద్ర‌మోడీ భార‌త ఒలింపిక్ సంఘం అధ్య‌క్షురాలు పిటి ఉష‌తో ఫోన్‌లో మాట్లాడిన‌ట్లు స‌మాచారం. వినేశ్‌పై అన‌ర్హ‌త‌కు దారితీసిన ప‌రిస్థితులు గురించి ఆరా తీశారు. దీన్ని స‌వాల్ చేసేందుకు భార‌త్‌కు ఉన్న అవ‌కాశాల గురించి అడిగి తెలుసుకున్న‌ట్లు తెలుస్తోంది. వినేశ్‌కు ఉప‌యోడ‌ప‌డుతుంద‌నుకుంటే అంత‌ర్జాతీయ ఒలింపిక్ క‌మిటి వ‌ద్ద భార‌త్ నిర‌స‌న‌ను బ‌లంగా వ్య‌క్తప‌ర‌చాల‌ని పిటి ఉష‌కు సూచించిన‌ట్లు స‌మాచారం.
ఒలింపిక్స్ మ‌హిళ‌ల 50 కేజిల విభాగంలో భార‌త రెజ్ల‌ర్ వినేశ్ ఫొగాట్ ఫైన‌ల్‌కు చేరింది. బుధ‌వారం ఉద‌యం పోటీదారులు బ‌రువును ప‌రీక్షించ‌గా ఆమె కొన్ని గ్రాముల అద‌న‌పు బ‌రువు ఉండ‌టంతో అన‌ర్హ‌త వేటు ప‌డింది. దీంతో కోట్లాది మంది భార‌తీయుల షాక్‌కు గుర‌య్యారు.