ఐఖ్యంగా ముందుకు సాగితే మ‌రిన్ని శిఖ‌రాలు అధిరోహించ‌గ‌లం: ప్ర‌ధాని మోడీ
ఢిల్లీ (CLiC2NEWS):మ‌హారాష్ట్రలో మ‌హాయుతి అఖండ విజ‌యంపై ప్ర‌ధాని మోడీ హ‌ర్షం వ్య‌క్తం చేశారు. ఈ సంద‌ర్భంగా మ‌హారాష్ట్ర ప్ర‌జ‌ల‌కు ప్ర‌ధాని మోడీ కృత‌జ్ఞ‌త‌లు తెలిపారు. గ‌త 50 ఏళ్లో ఏ పార్టి గానీ, ఎన్నిక‌ల ముందు ఏర్పాటైన కూట‌మిగానీ ఇంత‌టి ఘ‌న విజ‌యం సాధించ‌లేద‌న్నారు. వ‌రుస‌గా మూడుసార్లు బిజెపికి అధికారం అందించిన ఆరో రాష్ట్రంగా మ‌హారాష్ట్ర నిలిచింద‌న్నారు. ఢిల్లీలోని బిజెపి ప్ర‌ధాన కార్యాల‌యంలో ఏర్పాటు చేసిన విజ‌యోత్స‌వ స‌భ‌లో మోడీ ప్ర‌సంగించారు.
ఈ సంద‌ర్భంగా మ‌హారాష్ట్ర ప్ర‌జ‌ల‌కు ప్ర‌ధాని మోడీ కృత‌జ్ఞ‌త‌లు తెలుపుతూ.. అభివృద్ధి, సుప‌రిపాల‌న గెలిచాయంటూ ఎక్స్ వేదిక‌గా పోస్టు పెట్టారు. రాష్ట్ర ప్ర‌జ‌లు చూపిన‌ప్రేమ అస‌మాన‌మైన‌ద‌ని.. మ‌హారాష్ట్ర అభ్యున్న‌తికి మ‌హాయుతి కృషి చేస్తుంద‌ని హామీ ఇస్తున్నాను అని అన్నారు. నిర్విరామంగా కృషిచేసిన కార్య‌కర్త‌ల ప‌ట్ల గర్వంగా ఉంద‌న్నారు. అదే విధంగా ఝార్ఖండ్‌లో విజ‌యం సాధించిన జెఎంఎం కూట‌మికి అభినంద‌న‌లు తెలిపారు.