కెటిఆర్‌కు రాఖీ క‌ట్టిన మ‌హిళా నేతలు..
హైద‌రాబాద్ (CLiC2NEWS): నేడు రాఖీ పండ‌గ సంద‌ర్బంగా దేశ‌వ్యాప్తంగా వేడుక‌లు జ‌రుపుకుంటున్నారు. తెలంగాణ భ‌వ‌న్‌లో బిఆర్ ఎస్ వ‌ర్కింగ్ ప్రెసిడెంట్ కెటిఆర్‌కు ప‌లువురు మ‌హిళా నేతలు రాఖీ క‌ట్టారు. మాజి మంత్రి స‌త్య‌వ‌తి రాథోడ్, మాజి ఎంపి మాలోత్ క‌విత, ఎమ్మెల్యే కోవా ల‌క్ష్మి, మాజి విప్ గొంగిడి సునీత, ఇత‌ర మ‌హిళ‌లు కెటిఆర్‌కు రాఖీ క‌ట్టారు. మాజి మంత్రి స‌త్య‌వ‌తి రాథోడ్ కెటిఆర్‌కు అక్షింత‌లు వేసి ఆశీర్వ‌దించారు.
కెటిఆర్ త‌న సోద‌రి క‌విత‌ను ఉద్దేశిస్తూ ఎక్స్‌లో పోస్టు పెట్టారు. ‘ఈ రోజు నువ్వు రాఖీ క‌ట్ట‌లేక‌పోవ‌చ్చు. కానీ నీకు ఏ క‌ష్ట‌మొచ్చినా .. అండ‌గా ఉంటా’నంటూ ఆయ‌న పోస్ట్ చేస్తూ.. గ‌తంలో క‌విత త‌న‌కు రాఖీ క‌ట్టిన ఫోటోను జ‌త చేశారు.
