Hyderabad: జలమండలిలో 9 మంది ఉద్యోగుల పదవీ విరమణ
హైద‌రాబాద్‌ (CLiC2NEWS): న‌గ‌రంలోని జలమండలి కార్యాలయంలో 9 మంది ఉద్యోగులు పదవీ విరమణ పొందారు. వీరిలో డైరెక్ట‌ర్ ఆపరేష‌న్స్-1 విజ‌య‌రావుతో పాటు ఇత‌ర ఉద్యోగులు ఉన్నారు. బోర్డులో వివిధ స్థాయుల్లో ప‌ని చేస్తూ రిటైర్ అయిన వీరిని ఖైరతాబాద్ లోని ప్రధాన కార్యాలయంలో అధికారులు, సిబ్బంది ఘ‌నంగా స‌త్క‌రించి వీడ్కోలు ప‌లికారు. పదవీ విరమణ తర్వాత కుటుంబ సభ్యులతో నాణ్య‌మైన సమయం గడపాలని, జీవితం సంతోషంగా ఉండాల‌ని వారు ఆకాక్షించారు. పదవీ విరమణ ద్వారా లభించే గ్రాట్యూటీ వంటి తదితర ప్రయోజనాల్ని చెక్కు రూపంలో అందజేశారు.
విజ‌య‌రావుకు జలమండలి ఇంజినీర్స్ అసోసియేష‌న్ (జేఈఏ) ఆధ్వ‌ర్యంలో సన్మాన కార్య‌క్ర‌మం ఏర్పాటు చేశారు. పూల‌మాల‌లు, శాలువాల‌తో ఘ‌నంగా స‌త్క‌రించారు. ఈ కార్యక్రమంలో ప‌ర్స‌న‌ల్ డైరెక్ట‌ర్ సుద‌ర్శ‌న్, పీ అండ్ ఏ సీజీఎం మ‌హ్మ‌ద్ అబ్దుల్ ఖాద‌ర్, జీఎం స‌ర‌స్వ‌తి, ఉద్యోగుల కుటుంబ స‌భ్యులు పాల్గొన్నారు.