యూపిలో రోడ్డు ప్ర‌మాదం: 10 మంది మృతి
ల‌ఖ్‌న‌పూ (CLiC2NEWS): ఉత్త‌ర‌ప్ర‌దేశ్‌లో ఘోర రోడ్డు ప్ర‌మాదం జరిగింది. పిలిభిత్ జాతీయ రహదారిపై గురువారం భక్తులతో వెళ్తున్న ట్రక్కు చెట్టును ఢీకొనడంతో ఈ ప్ర‌మాదం చోటుచేసుకుంది. ఈ ఘ‌ట‌న‌లో పది మంది యాత్రికులు మృతి చెందారు. ఏడుగురు గాయపడ్డారు. క్ష‌త‌గాత్రుల‌ను స‌మీపంలోని ఆసుప‌త్రికి త‌రలించారు. గాయ‌ప‌డిన వారిలో ఇద్ద‌రి ప‌రిస్థితి విష‌మంగా ఉన్న‌ట్లు అక్క‌డి పోలీసులు తెలిపారు. కాగా భక్తులు హరిద్వార్ నుంచి యూపీలోని లఖింపూర్‌కు తిరిగి వస్తుండగా ఈ ఘటన జరిగింది. పోలీసులు ఈ ఘ‌ట‌న‌పై కేసు న‌మోదు చేసుకొని ద‌ర్యాప్తు చేస్తున్నారు. పూర్తి వివ‌రాలు తెలియాల్సి ఉంది.