ఆమెరికాలో ‘ఆర్ఆర్ఆర్’ రీ రిలీజ్.. టికెట్స్ కోసం క్యూలైన్‌లో ప్రేక్ష‌కులు

హైద‌రాబాద్‌ (CLiC2NEWS): ఆర్ ఆర్ ఆర్ చిత్రానికి అవార్డుల ప‌రంప‌ర కొన‌సాగుతూనే ఉంది. ఈ చిత్రం హాలీవుడ్ క్రిటిక్స్ అసోసియేష‌న్ అవార్డుల్లో ఏకంగా ఐదు విభాగాల‌లో అవార్డుల‌ను సొంతం చేసుకుంది. ఇక‌ ఆస్కార్ బ‌రిలో నిలిచిన విష‌యం తెలిసిన‌దే. ఈ చిత్రాన్ని మ‌రింత ప్ర‌మోట్ చెయ్య‌డం కోసం విదేశాల్లో రీ రిలీజ్ చేశారు. ఆర్ ఆర్ ఆర్ చిత్ర బృందం అమెరికా వెళ్లి అక్క‌డ థియేట‌ర్ల‌లో సంద‌డి చేస్తున్నారు. లాస్ ఏంజెల్స్‌లోని ఓ పెద్ద థియేట‌ర్లో ఆర్ ఆర్ ఆర్ చిత్రాన్ని రీ రిలీజ్ చేయ‌గా.. 1647 సీట్లు క‌లిగిన ఆ థియేట‌ర్ లో టికెట్స్ అన్నీ హాట్‌కేకుల్లా అమ్ముడుపోయిన‌ట్లు స‌మాచారం. టికెట్స్ కోసం సినీ ప్రేక్ష‌కులు బారులు తీరిన చిత్రాలు సోష‌ల్ మీడియాలో వైర‌ల్ అవుతున్నాయి.