మ‌హిళ‌ల‌కు శుభ‌వార్త అందించిన రాష్ట్ర ప్ర‌భుత్వం
హైద‌రాబాద్‌ (CLiC2NEWS): ప్ర‌పంచ మ‌హిళా దినోత్స‌వం సంద‌ర్భంగా రాష్ట్ర ప్ర‌భుత్వం మ‌హిళ‌కు శుభ‌వార్త‌నందించింది. 2022-23 సంవ‌త్స‌రానికి గాను వ‌డ్డీలేని రుణాల కోసం రూ. 750 కోట్ల‌ను విడుద‌ల చేసింది. ఈ నిధుల‌లో గ్రామీణ స్వ‌యం స‌హాయ‌క సంఘాల‌కు రూ. 500 కోట్లు, ప‌ట్ట‌ణ సంఘాల‌కు రూ. 250 కోట్లు మంజూర‌వుతాయి. గ్రామ‌ణ ప్రాంతాల్లో పేదరిక నిర్మూల‌న సంస్థ (సెర్ప్‌).. ప‌ట్ట‌ణాలు, న‌గ‌రాల్లో మెప్మా ద్వారా ఈ ప‌థ‌కం తెలంగాణ రాష్ట్రం ఆవిర్భావం నుండి అమ‌ల‌వుతోంది. వ్య‌వ‌సాయం , పాడి ప‌రిశ్ర‌మ, వ్యాపారం కోసం మ‌హిళ‌లు బ్యాంకుల ద్వారా రుణాలు పొంది.. వాటిని వ‌డ్డీతో
స‌హా బ్యాంకుల‌కు చెల్లిస్తున్నారు. స‌కాలంలో చెల్లించే వారికి వ‌డ్డీ మొత్తాన్ని తిరిగి ఆయా సంఘాల‌కు అందిస్తోంది. ప్ర‌స్తుతం రూ. 750 కోట్ల మొత్తాన్ని విడుద‌ల చేసింది.