ఘోర రోడ్డు ప్ర‌మాదం.. ఏడుగురు వైద్య విద్యార్థుల మృతి
వార్ధా (CLiC2NEWS): మాహారాష్ట్రలో ఘోర రోడ్డు ప్ర‌మాదం చోటుచేసుకుంది. వార్ధా జిల్లాలో వంతెన‌పై నుంచి కారు కింద‌ప‌డిన ప్ర‌మాదంలో ఏడుగురు విద్యార్థులు దుర్మ‌ర‌ణం చెందారు. విష‌యం తెలుసుకున్న పోలీసులు, స్థానికులు క‌లిసి స‌హాయ‌క చ‌ర్య‌లు చేప‌ట్టారు. యావ‌త్మాల్ నుంచి వార్థా వెళ్తుండ‌గా ఈ ప్ర‌మాదం చోటుచేసుకుంద‌ని పోలీసులు తెలిపారు. మృతులంతా ద‌త్తా మెడిక‌ల్ కాలేజీలో ఎంబిబిఎస్ చదువుతున్నార‌ని తెలిపారు. మృతిచెందిన వారిలో గోండ్వా జిల్లా తిరోడా ఎమ్మెల్యే విజ‌య్ కుమారుడు ఉన్న‌ట్లు పోలీసులు తెలిపారు.
సోమ‌వారం అర్థ‌రాత్రి దాటిన త‌ర్వాత వైద్య విద్యార్థులు ప్ర‌యాణిస్తున్న కారు సెల్సురా వ‌ద్ద అదుపు త‌ప్పి బ్రిడ్జి పై నుంచి న‌దిలో ప‌డింద‌ని పోలీసులు తెలిపారు. 40 మీట‌ర్ల ఎత్తునుంచి ప‌డ‌టంతో కారు పూర్తిగా ధ్వంస‌మైంద‌ని తెలిపారు. ఈ ఘ‌ట‌న‌పై పోలీసులు కేసున‌మోదు చేసుకొని ద‌ర్యాప్తు చేస్తున్నారు.