రష్యాలోని ఓ పాఠ‌శాల‌పై దుండ‌గుడు కాల్పులు.. 13 మంది మృతి
ఇజెన్స్క్ (CLiC2NEWS): ర‌ష్యాలో వెయ్యిమంది ఉన్న పాఠ‌శాల‌పై ఓ దుండ‌గుడు కాల్పులు జ‌రిపాడు. ఈ ఘ‌ట‌న‌లో 13 మంది విద్యార్థులు మృతిచెందారు. ప‌లువురు తీవ్రంగా గాయ‌ప‌డ్డారు. సెంట్ర‌ల్ రష్యాలోని ఇజెన్స్క్ న‌గ‌రంలోని పాఠ‌శాల‌లో ఓ ముసుగుతో వ‌చ్చిన దుండ‌గుడు కాల్పులు జ‌రిపాడు. సంఘ‌ట‌నా స‌మ‌యంలో పాఠ‌శాల‌లో 1000 మంది విద్యార్థులు, 80 మంది ఉపాధ్యాయులు ఉన్నారు. దాడిచేయ‌డానికి వ‌చ్చిన దుండ‌గుడు ముందుగా గార్డును హ‌త్య చేసి త‌ర్వాత పాఠ‌శాల‌లోకి ప్ర‌వేశించి విద్యార్థులపై కాల్పులు జ‌రిపాడు. ఈ క్ర‌మంలో దండుగుడు కూడా ఆత్మ‌హ‌త్య చేసుకున్న‌ట్లు స‌మాచారం. దుండ‌గుడు దాడి చేయ‌డానికి గ‌ల కార‌ణాలు తెలియ‌లేదు. అత‌ని వ‌ద్ద రెండు పిస్తోళ్లు ఉన్న‌ట్లు తెలుస్తోంది.